ساعة وداع
،،،،،،،،،،،،،،،،،،،،،،،،، ،،،،،،،،،،،،،،
يل تمر إهواي أخذ موادعي
ولهفة حنين...
كَوله شوكَـ إهواك باقي
سنين خمسه سنين عشره
مايهم عد السنين....
كوله جدم إهواك تايه
يحبي وي لوعة جفاك
وين دربك جدمي تاهت
دلني ...تا ابدي المسير
ماكو بدروبك علامه
مالي حيل ولا جنح بيه
الاطير...
يلي ضحكاتك ترجعني
بعمر اول صباي..
يل لو مرت طيوفه
بليل يهجع مشتهاي..
وماكو راي ...
افكار فوضى
زحمتي وبعد المسافه
كَيظ روحي وموت شجره
بهيمة اسنيني العطاشي
تريد ماي..
جروح كَلبي فروخ شيبه
فزعت وليلي ظلام
صدكِـ وما بيها عيب لو كَلت
ركضن وراي
خيط شمعه بليل بارد
ظل يهارف للصبح
حلمه البقاء
رد مع اقتباس
المشاركة الأصلية كتبت بواسطة انمار*
