هنا

[علي الشمري]

انشر مايعجبك من , قفشات , دارميات , ومضات , ابوذيات..... (13)

بعد تجاوز العدد السابق للمشاركات المقرره له
نفتتح الجزء الثالث عشر

ولنخصص هذا الركن لمانحبه من :-
ومضة , قفشات شعرية , دارمي , ابوذيه ..و أي شئ يتعلق بالشعر الشعبي ..

بأنتظار مشاركاتكم ..

"الموضوع الاصلي بواسطة محامي الحب"








مساجله بالدارمي بيني وبين الشاعره الواسطيه

هي:-
طريته كلبي ابسيف طيحته بالكاع
حته امنريد انساك ميهدلي فزاع

انا:-
زين انته من طريت كلبك بالسيوف
كلبي انه اطرد بيه ويردلي ملهوف !!

هي:-
بسك ولك بس عاد لاتجرح الروح
امودع الله اوياك لو رايد اتروح

انا :-
بطل حبيب الروح لاتحجي هيجي
كل حرف منك جاي نشفلي ريجي

هي :-
جرحك جبير اهواي ربيته بأيدي
صدكني صار اسنين باقي ابوريدي

انا:-
ادري الجروح البيج اتعدل المات
خل نرجع انه اوياج ونعوض الفات

[*جوهره*]

افتتاح موووفق ..
شكرااا

[*جوهره*]

عمر بس هم وأذيه منه شظل أليه
أتعب وأسهر أسنين وأصير أني ضحيه ؟

[جولين]

صفه حالي بغيابك تعرف شلون
مثل المحترك وبعازة الماي
درت ظهرك عليه ورايد تروح
واكول يدير وجهه ويرجع وياي
ومن ايست من جيتك حيل
اجت فكره بخيالي واسمع بهاي
عله اترابك ادور وين الاثار
حته افكر عكس واتخيلك جاي

مبرروك الافتتاح
تسجيل اشتراك

[sarah sona]

عندي دمعه وحايره بنص العيون
خايفه من تطيح تحسبهه ضعف
وخاف تبقى وتحركَ بقسوه الجفون
وخاف تبقى وعيني تعمى وتنتلف
طبعي نخله محمله انواع التمور
وانته مدري شبيك عينك ع السعف

[زين العابدين الشمري]

بالتوفيق وان شاء الله اكون بالقرب منكم واشارك بما لدي
تحياتي للجميع

[زين العابدين الشمري]

هو بس وجهك حلو عمي او كفاك
ولذلك من تجي ما استدير

[sarah sona]

طالت غيبتك يا مفاركَ العين
وظل يمي خيالك ليش عفته
شأتحمل بعد ما عندي كَلبين
كَلب واحد يتيم وانته اخذته

[مِـيهہرَمــآهہ ♬✿]

افتتاح موفق ...
مبروووك

[مِـيهہرَمــآهہ ♬✿]

اووف يمدلل تعبتني
وحبك حيل عذبني ....
ب قلمي المقطوط هع