كلمة وحده وقرر انته.
هاك كلبي اللي هجرته.
هاي خمس سنين فاتت
وانته سكته.
يلعفتني بضيم كلبي
وكلمن يلوم عله وكته.
شوف جرحي وشوف قهري
وشوف مرك من جرعته.
شوف ايامي الكضت من
غيرك وعمري الخسرته.
شوف حالي بجرحك
المايغفة وانت اللي لجمته.
اني مايعجبني غيرك
يلي غيري ايعجبك انته.
اني مجنون بهواك وهذا
كلبي اللي شراك وانته بعته.
احجي خايب كول كلشي
خلي دمعي يروح وكته.
هاي كلمة......
وقرر انته.......
لليل اظلم ...
والسوالف بارده ....
وروحي لكم سيره ....
والسجه مليانه مخاطر
لفلفت روحي بهواكم ....
لفت مفارك وينتظر موعد لباجر !!!
ولا اجيتو ولا رجعتو وانا باقي الكم مناظر ...؟؟؟
لتكبر الزرع فد نوب
خاف استسبع المنجل ..
خله اليركض وفحطان
هو الزود لليندل ..
احنه بديرة بيها الشاب من ايموت
ابو الميت يصيح بصوت ..
جيبوا لنعشه صاحبته واشوفه شلون
مايعدل .؟
ترى المايعشگ ابخته ..
احنه بديرة بيها اسباب .. كتل الشاب
لو داخل حرب
لو عايفته صاحبته ..
نشدوني أمس!! گلتلهم اهـــواك
من سألوك ليش اتگول عـفـتــه !! ؟
وحلفوني أمس ياهو اغلى انســان
واللــة ما جذبت گلتلهم انـتـــه
شلون الماي......
يكدر ينكر اجروفة
شلون العين تكدر .....شوفها تعوفه
وابو جفوف الحنينة.... شلون يرضى
اتبيعنا جفوفه ......
وبلا جلمة التنكال
كل ذاك الفرح ينشال
وظنون المحبة تظل بلاية وداعيا رخص العشك من ينشره وينباع ......!!
روحي مشتهيه بجي ادور مكان
حتى لاتمر ناس ويسكتونها
اتريد ويه الدمعه يوكع جف تراب
حتى عيني اطيح من عيونها
عيني مشهوره بغيابك هسه حيل
للفواتح كامو ايطلبونها..!
الذله مو نفترگ ...
الذله لمن تحس عمرك ورق يحترگ
والذله اكثر بعد ..
بيبان عينك جمر .. وانت بدمع تختنگ
وراك الحــيل .........گام ايگوم ويطـيح...!!
ليـش نححب ؛ وَ حقوٍق العشق . . بـَ / الععُراقـﮧۧ ، مًمنوعـﮧۧ
