هنا

[الشاعر احمد المهاجر]

بجروحي يلعب لعب وبس هالجرح خله

ويا وكت بس يلچم راد الگلب خله

ومن كثر ظيم الهوه صاب العقل خله

ما اعتب اعله الهوى وياك چي ما طاب

انه اعتب اعله الجدم حيف اعله بيتك طاب

داويت جرحك بيديه وتعبني لمن طاب

ومن صار بيه الجرح حفنة ملح خله

[ذات الرداء البنفسجي]

مزروع بيه الحزن
داريته من دمعتي
خضر بروحي جرح
كل لون من حسرتي
بيه الملامح بقن
من ادفنت صفنتي
اذكر شلتها بوجع
يوم اطلبت حاجتي
ياربي كلشي اطلبت
وما شفت انا اجنازتي
ياربي حملي ثكل
حمل القيامه علي
ويوم الحشر شهكتي
الدود من شافني
دمع عليه وبجه
تدرون ماذا نطق
ياربي اني صمت
ما قرب لجثتي

[حروف ضائعة]

اريد الغي الموبايل والغي رامه##
والغي العشك مني والغرامه####
عليك انت المخطط والغرامه####
لان حبك كسر ضلعين بيه #####

[حروف ضائعة]

كعدت انه ويگلبي عدنه موضوع وچان اول سؤالي هو عنك
صدك بعدك تحبه صدك مامليت صدك موجود حبي ابخانه عندك
جاوبني يگلبي ابياكتر موجود صدك (فلان) حبيبي بعده نبظك
لتفكر يگلبي اطلعه لوتنساه واذا فكرت يمكن انه اطلعك
ها ..... ها وينك انته ماأجيت
يله عزراييل گاعد ينتظر
راد روحي ومالگاهه
وگلي رايح مابقى بگلبي صبر
اصلا ايگلي انته ميت
عود لارجعولك انطيني خبر
صدك ماترجع حبيبي
گلي بررلي عذر
تدري انت بغيبتك وش حالي صار
مثل حال الميت الماله گبر

على طاري الگلب بس انته ساكن بي

نظرة حب اباوع من تمر مناه
احط عيني ابعينك وأبد متردد
لأن واجب نظرتي ياحبيب الروح
ومن انظر ابوجهك جاي اتعبد
كثر بالطعن وبظهري خل اثار
حتى اتصير عبره ومااحب أكثر
وختم واكتب اسمك اخر العشاك
حتى أنه وي جرحي انروح نتكتر

[حروف ضائعة]

اليشوفك عمت عينه من ضواك
والمايشوفك عمت عينه اشكد خسر
فدوه لاتطلع اخاف ايفرهدوك
لان مامنطين بالحصه شكر ####

[حروف ضائعة]

شو محد أجاني ودك عليه الباب
ولاكلمه شلونك جتني من يمهم
شلون الكعدة تكمل وآنه ماموجود
معقوله الاحبهم صرت ماهمهم
يادنيا نسوني ونسوا ذاك الطيب
ولاجني هذاك الجان يحضنهم
لو بالزاد أغصن والله أعوف الزاد
أكولن ربعي يمكن لكمه ماعدهم

[حروف ضائعة]

لحزن لاجلك هويته: صار مني
وليالي هواي بعدك.صارمني
شتريد لكلب؟ اخذة صار مني.
اخذ شتريد بسترجع الية......

[الشاعر احمد المهاجر]

،
انه طيفك من يمر اشبگ عليه
ليش تبعد من يمرك طيفي
بكيف عيني ابچي ومسودن عليك
شلون من ابچي عليك بكيفي
،

[الشاعر احمد المهاجر]

،
لا تگلي شبيك من اصفن عليك
وسرك بگلب اليحبك دافنه
عاصفة الدنيا ومطر مجنونه بيك
ومن ضحكت الدنيا ظلت صافنه
،

[الشاعر احمد المهاجر]

،
احبك مو مثل كل اليحبون
مجنون وعثرله بخيط مجنون
اذا طيفك يجي ارميله چيلات
اذا انته تجي شرميلك عيون
،