اذا باعك شخص لدنك الرااااس
الفخر للمشتري والعار للباعك
اذا باعك شخص لدنك الرااااس
الفخر للمشتري والعار للباعك
اموت بنظرة اعيونك وشعرك
واحب اسمع مواويلك وشعرك
تمنيتك قصيدة انت وشعرك
و ردد بيك كل صبح و مسية
امش مملوح غيرك يمشي فاهي
وعجز يوصل لوصفك يم شفاهي
لون توصل شفاهك يم شفاهي
الزگ لو تحط جيلات بيه
صديق الفاضلك بالطيب فضله
ومثل ما فضلك عالناس فضله
اشكره مو جزاته انكار فضله
يجيلك يوم هم تحتاج فيه
يا من فارگت شملي وشملاك
سمعنه والحچي يخصك وشملاك
اذا غيري وصل خدك وشملاك
حرام يبوس خد الچان اليه
اجذب الكال عنك ومرة شفتك
العسل لسه بشفافي من رشفتك
الحذر لو ويه غيري مره شفتك
انتحر بيك واموتك بين اديه
عيون الگلب يوم اجفاك يدمن
عفتني وصافحت يا ترف يدمن
انه المثلي على الحسرات يدمن
عسى انسى هواك شعمل بيه
الدنيا اسيوف بظلــوعي .. سنتها
وقوانين التعب لجلـــــي .. سنتها
الوادم تحتفل بآخــــــــر .. سنتها
وأنه ابجي اعله العمر راح منديه
سچاچين الوكت بالــــــــروح .. بردن
واحس الجسم وكت الصيف .. بردان
انه بردنين رحـــــــــــت وأرد .. بردان
وأخاف الغربة تاخذ حتى اديـــــــــــه
اساس بعشرتي وياك صبيت
وجنني الهوى وبالشوك صبيت
اذا انته عليه ادموع صبيت
بجيت عيون من فركاك اليه