هنا

[ايام الفراق]

تره افراكك صعب لتصدك ايهون

واريد احجي سوالف حلوه عنك

خلها الناس عني تكول مجنون

اتباهى بجنوني الصار منك

[أغرد بهمس]

اصبر الروح بيش و انت بيه الروح

و اذا تطلع اظلن بس جسد خالي

لكيتك من جنت ما لاكي كل الناس

انت اول محب و انت صرت تالي

يلكلك محبه و انت احن مخلوق

معقوله الحمامه اتصير كتالي

صح ماكو بجمالك اني ادري بهاي

و روجه رقتك ما كظها اي جالي

حرام اعليك تزعل ونته الصوج

اجيك انه اعتذر و بلا ذنب خالي

تزعل ليش

غالي و كلشي عندي و ما اهدك دووم غالي

و هسه حبك جيف صرت غالي

احسك تختلف عن كل الناس بعيوني اشوفك علنجم عالي

و اشوفن دمعتك ما جنها تنزل ماي

ذهب تنزل دمعتك تجدح اتلالي

الك بستان عمري بكل ثمن مزروع

راضي بكلشي منك كلشي يحلالي

اجيك و من ارد فارغ ارد للغير

و عنب بس اعله مودك تارس اسلالي

يمك انسه روحي و من اكون وياك

و على فنجان شفتك تركع ادلالي

الواشي بلا بخت مرني و زعلك

اموت انه ولا يوم اجرحنك و زعلك

حلو كلك على بعضك و زعلك

بحلاتك فدوة بس ارضىعليه

[ღالبرنسيسةღ]

كبل واهس واحبك وابجي من تروح
هسه وداعتك مالي خلك روحي ~

[ღالبرنسيسةღ]

لا تثكل عليه وانته تعرف زين
ميهز مني غيابك حتى شعرايه ~

[ღالبرنسيسةღ]

اذا راسك نزل كدام شمات
عمت عين الصديق الما رفع راسك ~

[علي الشمري]

مابي حيل جف آوداع
ابشرنك عجوز الحيل
ابشرنك ... طحت
والشيب غطاني بسوالف ليل
جآآآآ ع الخير
لو ندهاك تالي الليل
فزعني .. اصيرلك ندى وصم هيل
وجتفني اعلى طولك ناي
اريد اشهك حلم بي رأي
وخذني بلا شراع اوجووه
اريد اختل سوالف ماي
اليه وياك سالوفه ..
نسيرر لله دف عرسان
لو تابوت ..
اليه وياك مدري شكد
تعال وفك شليل الطين
اهيسنه اعلى طولي آرمد


مما راق لي كثيرا

[أغرد بهمس]

سهله اشلون عندك تجفي الاحباب


وتعوف الموده وتنكر .... العشره


وتسويها بزعل ما نعرف .. الاسباب


وخاطرنه عليك تزعله ... وتكدره


بطلنه العتب لن ما يفيد ... عتاب


لان تنكر بساع وحجيك ..... تغيره


روح وداعة الله ولا تدك .... الباب


وغيابك نعرفه بيوم ...... ونفسره


اوديلك رساله ويه الهوى الهاب


وارسملك كلب مجروح من .. قهره

عرفتك ما تحب وبالعشك ... جذاب


وكلام الشوك تختاره .... وتسطره


يا خايب لا تأمن للوكت ... دولاب


يجيك اليحرك كليبك ..... يحيره


وتجيني ودمعك من الندم .... سجاب


بس الخان كلبي ما ....... اعذره


واليغدرني مره بلاية ...... اسباب


اسد بيبان كلبي وما ..... اقدره


ولا افسح مجال واسمع ..... عتاب


اخاف يلين كلبي وينسه .... غدره


واحلفلك كليبي من السهر ... تاب


بعد ما الوم كلبي ولا ... واسهره

[علي الشمري]

عليك العين تدمع من رحت لليوم

وصرت اسال عليك الجاي والراح

مامره تجيني اطيوفك ابليل

حته اغفه اعله رسمك وانه مرتاح ؟


لي

[ღالبرنسيسةღ]

لقد تم الفشل ما اكدر انساك
ولك صعبة وداعتك ما دبرتها ~

[هبة الله..]

حيل اتعذبت بس انتَ مــا حسيت
لان بنار گلبي وگلبك البـــارد...
جنت بس انتَ أشوفك ما شفت ناس
وصافن بس أفكر والذهن شــارد....
وإنتَ تعيش صــافي وهادئ البال
... وتشلع باب گلبي بصمتك الجـاحد....
آه شكد صعب مـن تعشك انسان
وتحسه ابمحبتك يجهلك قــاصد....
آه شكـــد غشيم وهيج حبيت
وادري هواي گلبك للعشك جـارد.....
آه من الـــدمع شككلي الخدود
آه مــــن الألم وي همي متواعد...
آه شكد صعب مــن تحب باخلاص
وتعرف تالي حبك من طرف واحد....!!!!