بغيابك مو نفس ...جريت حسرت موت
بغيابك مو نفس ...جريت حسرت موت
قرريت ارفع قضيه
اعليك يم قاضي الهِوه
يالخَذت زهرة شبابي...
وعمري وي روحي سوه
يالكسرت اگليبي گلي
اتعوفني ابلايه دوه !
انه اسهر وانه اداري
وتالي احصل بس نوه !
علي الشمري
مرسال الك وديت وياهه مكتوب
ماخذ عهد عالروح عنك فلاتوب
علي الشمري
يمته تحس ؟
موكمت اناغيك بهمس
مو صرت احسك بالنفس
يمته تحس
الشمري
وين رحتي
وعفتي بيه جروح مآلهن دوه
وين رحتي
وآني بس ويآج آشتم آلهوه
جنتي كلبي
وجنتي روحي
وجنتي عمري
وجنتي لعيوني ضوه
وين رحتي ...؟؟
رحتي يم ذآك آلغريب وهسه بشفآج آرتوه ...!!
وهسه صرت آني آلغريب وكلبي بس آلانجوه ):
وصرتي آنتي ويآ وآحد وآلعمر تكظوه سوه
وهيج صرتي هسه صلفه وآلكلب يمه كون ...!!!
هسه رآح آنسآج آني آنطوت صفحآتج آنتي وآلعمر هم آنطوه ..$
وقررت مآ آحب ثآني ورآح وحدآني آني كلبي جم مره آنجوه
حن وانه احن ... ماظل جفن !
ودموعي خلصهه الحزن
وانه انتظر وتأملك ...
ياساعه تلفيني اوتحن ؟
الشمري
يامن جنت واحدك وانته جنت واحدي
وانته عشگت للألف وانه عل واحدي
تذلني واجيب الشعر يم حضرتك واحدي
الغنه ماهو غنى لوما لنا بسماك
وعيوني مثل الطفل لمن تهل بسماك
جنت بسماي الكمر وانه جنت بسماك
ظلمت ليش وغبت وخليتني واحدي
شعجب ماتت بصدرك رحمة الناس
انفطر گلبي عليك وما رحمتــــــه
هلگـد ماعليك الگـلب يشتـــاگ
كل دگـه تصيحــك وينــك انتـــه
ماعنــدي گـلب بغـيابــك إيعيــش
... گلبي بغيبتك من صدري شلتــــه
وإذا عندك گلب يتحمل افــــراك
دگـلي منين گـلبك هذا جبتــــــه
جاوبني دخيلك والله مشتـــــاك
جد جدي بغيابك والله شفتــــــه
تحت زخة ملح تانيتك تعود
وجنت لابس جرح مالابس هدوم
حبيبي اعترف حنيت الك كومات !!!
وكلبي بالعشك ميت دفنته !!!
صرت اشتاك الك مومره مرات !!!
ونومي الخاطر عيونك تركته !!!
فدوه ارجع حبيبي ونطي اعذار !!!
انته ردت فراكي مو اني ردته !!!
...عليك الله البعد ماهز كبريائك دوم !!
لومشتاقلي ومخليهه سكته !!
