قصيدة (عطش الروح )
اشيلنّك امانه ابعيني حد الشوف
واغطيك من اغمض وانه افك طيفك
وتخش انت الكَلب والكَلب مابي باب
وما يندكَ يدكَ وايدكَ لأن ضيــــــــفك
وتظل رسم الكَلب وانت تظل الروج
مرساك الكَلب مسرة الكَلب كيـــفك
كل هذا وعفتني وعطشيت الروح
وكلتني الصفنه وانه الغاركَ ابحيفك
لتظن اسكتت دين ابركَبتك هاذ
أمــــــــــــــــنّتك أمانه كَلبي ابسيفك
ظلك واقعي ابموته شرك ضدين
الضوة الفوكَة وظلامه لحذفه هنه الباب
اذا انت سراب اتراوي هاي العين
اشـــــوّفنك سمج يسبح وسط السراب
واذا انت عطش تكَدر تراوي الروح
عطش شوك انه وسطي الكَاع منه اتهاب
انه ادفن عطش حتى ازرع انه الماي
يعني اعله العطش عايش انه الاحقاب
واذا اموّجر انه مو للبرد محتاج
الماي الحار هم يطفي تره الـنشّـاب
أوج مثل الشمس ما اخلّف الدخان
ومن اعطش اخلي الماي نهر اسحاب
انه عيوني لهب من اعطش اروى ابشوف
واشوفك ما اشوفك وانه اصير احجاب
ولأن انت ثلج كل خطوة منك ماي
رغم ضد اللهب بس عطشه الك لهّاب
رد مع اقتباس
المشاركة الأصلية كتبت بواسطة Roger Roger
