واجب لو ردت اكتب ع الزهراء
صلاة انه القصيدة كون اصليها
وابدي ابسمله ما اخلي ابد عنوان
لأن الزهره سوره ابسمله ابديها
واستأذن محمد وارتجي الكرار
وبدموعي القصيده كون اغشيها
واصفي النيه واجب قبل الاستأذان
ما تنفع اعمال ونيه ما بيها
اذا أذن الشعر كل القوافي تكَوم
قبله ام الحسين ونتجه ليها
ولأن حيدر الماي توضه بيه الدين
القوافي تيممت بتراب رجليها
قد قامت محبة فاطمة الزهراء
ونشهد ام ابوها الكل يسميها
حي على الولايه لبنت رسول الله
وهنيال الصلاة التنختم بيها
سجدة عشكَ نسجد قربة لله
ويم ام البتول الهامه نحنيها
واستغفر الله من السهو لو كان
وبدمع اليتيم الزهره اناجيها
واسلم هي كانت خير خلق الله
تفاحة الرحمه الربي هاديها
انه بذمتي قوافي وشعر ما مذكور
وفروض القصيده الفاتت اقضيها
اعصرها وي دمي اخبطها ويا الذات
واعلكَها حرز بجتافي اخليها
عشر معشار وصفج ما جبت زهراء
وخجلانه القصيده وخجل راعيها
البضعه البتول الكوثر الحوراء
اذا تعطش قصيده الزهره ترويها
رحم الله من نادى يا زهراء
رد مع اقتباس
