هنا

[ارجع يازمان]

مساجلة الوداع

الشاعر حسين الساعدي
و
مريم حسين

:::::


أنه اوياك خل نتكابل الليله
وانه اوياك خل نتوادع الليله
يشكيلك دليلي وانته تشكيله
وانه اوياك!
وبيا دمعه اودعنك يغالي
واشلون انسه ذنيج اليالي

واحتار الكلب مدري شسويله؟
وانه اوياك خل نتوادع الليله
وانه اوياك
مريم حسين




_____________________

حيرني الدمع ما ثابت اللون!--يامريم بعد ماظلن اعيون
والمن اشتكي واطرح سؤالي
وانه الفاركت بالدنيا غالي

وانوب الزمن وياي شد حيله
وانه اوياك خل نتوادع الليله
وانه اوياك
االساعدي

___________________________



معقوله انمحت كل الاماني--يايوم الخميس امنين اجاني
يافرحة حياتي ونظرة اعيوني
ما انساك والله اشما يبعدوني

غيرك بالكلب صدكني ما اشيله
وانه اوياك خل نتوادع الليله
وانه اوياك
مريم


_____________________________

مشتركين بالدمعه سويه--ويلوك البجي ابهاي المسيه
وشمحله الدمع وبهل مصيبه
محبوب واجه ايودع حبيبه

ياقصه المثل ليله والف ليله
وانه اوياك خل نتوادع الليله
وانه اوياك
االساعدي

______________________


غيرك ما يفل هاي الضفيره--وجبروني ورحت مثل الأسيره
وبهذا الخميس الخيب امالي
وابقه ابدمعتي وياك لتالي

وياريت الخميس اتصوب ابجيله
وانه اوياك خل نتوادع الليله
وانه اوياك
مريم


_______________


لميت الدمع رايدلي دمعه--وانوب الخميس ايجيب جمعه
ما اشوفك بعد يالغالي كدامي
والجمعه التجي يتنفذ اعدامي

ياليل الحزن جرت مواويله
وانه اوياك خل نتوادع الليله
وانه اوياك
االساعدي
_________________

وبجرح الوداع الزيد اجروحي-والمن باقيه وما ودعت روحي
معقوله انتهت قصة هوانه
ياكلبي المشه وعايف مكانه
وياك الكلب يحسين باريله
وانه اوياك خل نتوادع الليله
وانه اوياك
مريم

[حـــلاة الـــروح]

نقل موفق شكرا لك اخي

[ولاية علي]

مساجله جميله
شكرا لك

[النقيب]

مساجله رائعه
شكرااااااااااااا لك اخي

[علي الشمري]

مساجله جميله
شكرا لك

[ارجع يازمان]

نقل موفق شكرا لك اخي

حضوركم اروع دمتم بخير

[رغد العراقية]

[ارجع يازمان]

مساجله جميله
شكرا لك

حضورك اروع دمتي بخير

[ارجع يازمان]

مساجله رائعه
شكرااااااااااااا لك اخي

حضورك اروع دمت بخير

[ارجع يازمان]

مساجله جميله
شكرا لك

حضورك اجمل شكرا لروعتك