اذا مأأكتب شعر
يموت عندي احساس
واذا مات اﻻحساس
كلي شيعدله
انه همس القوافي
بداخلي مخزون
اطلعه بالشعر
خوفي السكته اتكتله
اعبر بالشعر
عن كلشي احسن بي
انه ماخلي الشعر
شماعه للختله
يسألوني اعله شعري
بي احساس اهواي
اگلهم قصتي تدرون
مو سهله
انه العايش عمر
اتنطر الميصير
واذا صار واجه
اتلگاه الف اهله
ياعمري الگضه ..
وما شفت راحة بال
احجي عالجرالي
بشعر وبقله
ناري البلگلب
من تطلع تحرگين
كل بيت القوافي
ومحد يفله
حزينه اشعاري
گالوا كلهه بس اعتاب
حقهم مادروا
هالناس بالعله
اذا فاگد حبيبه
وعمره كله ينوح
تريده يبتسم
لو يرگص بظله
اذا ثوب العتابه
مفصله تفصال
وببدع بالعتب
عن الغزل خله
يحلم بالسعاده
هو تالي الليل
ومرته من الصبح
اتريگه باكله
رد مع اقتباس
المشاركة الأصلية كتبت بواسطة عَ ـرآقَيّهِ كيّوِوِوِتُ
