في ذكرى إستشهاد مولاتنا الطاهرة
فاطمة الزهراء عليها السلام
((((السلام عليك ايتها الصديقة الطاهرة))))
قصيدة ايهاب المالكي ,,,,,,دفعوا مارجع من وحده الباب ,,,,,,
دفعوا مارجع من وحده الباب ....على بابج بعده اثار الاجدام
انتي الجنة بس مارهموا وياج.....لذلك وي جهنم صاروا ولام
بيت الانتي بيه ويسكنه ابو حسين...اليدك بابه لازم يلبس احرام
انه حاير شلون الباب ينلاح ...عالي وماتلوحه جفوف الاقزام
كان الله بعونج شفتي بسمار ...بالمحسن ينفذ حكم الاعدام
نفسهم همة ذولة الدفعوا الباب ....نفسهم باجر يحركون الاخيام
اجوا يم بابج وفز خايف الليل ..مثل الي يصحى من نظرات الاحلام
وتبعناهم وبالتاريخ يمشون ...شمايمشون خطوة يوكع اللثام
ملامحهم سيوف منكبه بليل.....ومثل شكل الخناجر عدهم اجسام
جيبي وياج ضلعج شاهد اثبات ...من ينفخ الصور وتحيى الاعظام
كسر ضلعج عكس كل جيش مكسور ....الجيش الينكسر مايرفع اعلام
لذلك انتي باجر بيوم الحساب ...على هيئة ضلع ينطونج وسام
اذا تتقارنين بثورة الدين...بس بابج يعادل فجر الاسلام
يوم الله يختم فوق الافواه...من بابج الخصمج يسمع اختام
اذا المرء يحشر بهيئة اعمال ...من جفوف اديهم تطلع اصنام
بيتج بالطبع مستهدف يكون ....انتي اول حكومة تحب الايتام
بعيون اليتمى صورتج طير ...ابيض وبسماج ارماح وسهام
خفتي الجرح ينشد والهوى يضيع ...تدرين اليتمى بجرحج تنام
الهوى اعله متنى يجيب عطر الورود....بس عطرج تجيبه متون الايام
ورى بابج الطف موجود بالبيت....طف بس عايزة عباس وخيام
مايقبل علي يمسونج بسوء ....لكن ل النبي مايكسر احكام
مقامج عد علي شي فوق الاوصاف ...بكثر ما عن مصابج كتبت اقلام
بختهم بالوصية ولاما جان.....ينعد الصفر من ضمن الارقام
وحقج لو علي متناوش السيف ....جاعرفوا ابيتج ربج اشضام
ومحد يرجع من السيف بي روح ....مايطلع ال يدخل حقل الالغام
رد مع اقتباس
المشاركة الأصلية كتبت بواسطة أوراق شاعر
