ودع دموع الصبه ..
وين الصبه تلكاه
الغربة دمعة هضم
قيس وعشك ليلاه
كل ساعه أريدن هلي
وأنحب وأصيحن اه
محد يعرف الام
غير اليعيش وياه
.....
عشب ابصدري الحزن
ريع ابراسي الشيب
والشوك يترك وشم
لوجرحه مني يطيب
كصر يليل الهجر
ليل اليحب تجليب
وديلي طارش يمر
ياخذ الروح وياه
.............
انصب شرك للحلم
وأطبك بجفن العين
شمام ثوبه دفك
عاشر فيايه التين
جفين كتبن سوه
فوك الشجر حرفين
يغفه اعله زندي الهوى
وحشه العتب بالعين
خضر حطب عاذلي
واصبح شتالي حطب
ماي البحر لوعطش
من دمع عيني شرب
أبعد علي الجرف
واركض واكولن كرب
ويهمس بأذني التعب
وين الجرف تلكاه
.............
نار الهوى مكدره
ثوب واعله سنيني
احمل ذنوب العشك
ياهــــــو اليبريني
انه ارد اشب وانطفي
لـــحد يطفيني
ماريد جنة عدن
مابيه جلمة اه
.............
دار بخيالي الشعر
حسيته يمي كعد
نادمني حد الصبح
يشرب واكله بعد
واقريتله من الشعر
مرينه بيكم حمد
دمعة عين الشعر
شمنيوبجيت وياه
رد مع اقتباس
