مساجلة المشتاك!مريم حسين والشاعر حسين الساعدي
مساجلة المشتاك
مريم حسين وحسين الساعدي
:::::::
أرد أسئل العشاك والشايل اعتاب
ليش الليالي إتجور عالفارك احباب!
االساعدي
،
تدري الليالي اشلون صارت طويله
روحك عله الغياب كلش عليله
مريم
،
والغابو وعافوك ليش انطرتهم
لو رايح انت ابعيد جا ودعتهم
االساعدي
،
ما ودعوني ابليل ضاعوا عليه
وتصوب الدلال ذيج المسيه!!
مريم
،
ما ودعوك اشلون تبجي وراهم!
حافظ عله الدمعات واترك هواهم
االساعدي
،
لا لا تلوم العين والحاله صعبه!
والراح اخذها الروح يدريني أحبه
مريم
،
ما رادك وتشتاق للما يريدك!!
صدكني هذا النوح ماظن يفيدك
االساعدي
،
لو رت أصبر الروح شيصبر العين!!
واشلون انام الليل واحبابي ماشين
مريم
،
سئلت عليك الروح كالتلي وينه؟
صارالك اجم يوم شو ما تجينه
االساعدي
،
صعبه الضروف اوياي رادتني اعوفك
ما سمحت ابلحضات اوصل واشوفك
مريم
،
لو بلحقيقه اوياي عكست ضروفك
مرني ابحلم خطار خليني اشوفك
االساعدي
،
حتى ابحلم ميصير ماعندي جيه
خلولي بالاحلام حارس عليه!
مريم
،
لا بالحلم فد يوم واكعد واحاجيك
لا بلحقيقه اتعود وبدربي الاكييك!
االساعدي
،
هالدنيا هيج اتريد مو بيدي اني
صدكني يبن الناس مثلك اعاني
مريم
،
والدنيا ليش اوياي رادت حربها
بعدت عليه احباب واشكد احبها
االساعدي
،
صبرك عله الايام لابد يجي يوم
نتلاكه انه اوياك وتروح الهموم
مريم
،
أصبر واشوف اشلون أتلاكه وياك
محتامه هاي الروح عذبها فركاك
االساعدي
،
روحي التحب ملكاك ماتهوه ثاني
وحدك ملكت الروح حبيتك اني
مريم
،
كونك تحب ملكاي منتظرك اني
يالغالي ليش اليوم عايف مكاني!
االساعدي
رد مع اقتباس
المشاركة الأصلية كتبت بواسطة الشاعر سجاد باقر
