هنا

[فقار الكرخي]

على امي من اطوفن مايظل ذنوب
اشعر مايظلن كل ذنب بية
احس بروحي حجي وحاج بيت الله
مـايحـتاج أروحن للسـعودية ..



مـن كـثـر مـاا بـيـچ..
لـهـفـه..
وعـاافـيه..
ولـذه..
وحـمـااس..
ماا اشـووفچ يـمـه وحـده..!!
صـرت اشـووفـج يـمـه نااس..!!



امي وكت الجوع شوفتها رغيف




يمه عيد الام اجه وحاير شگول
يالمقامچ عالي يالشانچ صرح
آنه انام وعيني ترتاح وتهيد
وانتي عينچ ساهره لحد الصبح




يمه يمه
شكد حنينه
من لفه الشيطان عدها
وكلته
وشربتا
وغدتا
وفكر يرد دين الها
خلته يصلي وراها




امي
ولو ردت اوصفها يحتار القلم
امي مادخلت مدارس
لكن تفيض علم
امي شكد تعبت لأجلنه
ياما عانت
ياما سهرت حته يتحقق حلمنه
امي مخلوقه عجيبه
كلشي ترهم هيه اليه
مره ابوي
مره اخوي
مره اختي
حته رهمتلي حبيبه




يالي نورچ شگگ هدوم الظلام
ويالتحت رجليچ جناة النعيم
امي مستشفى وامان وكلشي زين مثل بسم الله الرحمن الرحيم
امي ماي عيونها يغذي الفرات
وتنگلب ماعون بچفوف اليتيم
امي فدعه تصير لو شافت شهيد
وببچيها تطفي نيران الجحيم
امي مريم چان بوكت المخاض
وبالرضاعه نگلبت ام موسى الكليم...




امي ما شايفهه ضلهه
امي كل عقدة تحلهه
امي من ستر العليهه
اني ماشايفهه كلهه



يا كاشان مفروش اعله الولايه
ياكوشر سعد يامسند ورايـــه
سلف بجفوف ايدج ينام
بيج شگد خضار وفوگ راسج شيب
انتي اول احديثه الي تعرف العيب
يالشگلج مرايه وبيج احسن سولتي
شايله بروحچ حداثه بگد حضاره جدتي





يسالوفة بخت ياخبزه التنور من تشتد
يادلة شيوخ وبالصدر ديوان من تگعد
يميه بشيلتج خاتل حياء الكون…..
يگرديله نجم بطراف شعر الليــــل
ياسبحه عجوز التنده الخدران بالترتيل
على جتفج يجي العصفور يتوضه بنده ويروح
يالبيج الورد بستان جن قداح منه يفــــــوح




اليحضن امه يرد شباب
يشوف باجر مثل أمس
وتردله روح
أليحضن أمــه ..
يعيش كل شي
يرد طفل ..
لو عمره نوح يصير..

[نہٰور آلہملہۣۗكيہ]

الله عليك روووعة

تسلم هالايادي

[علي الشمري]

[حسن الحزين]

رؤؤؤؤعة سلمت يداك

[sawsanmahmoud]

أشعار رائعة
تسلم ايدك

[محمد ألعبادي]

جميل جدا
عاشت الايادي فقار
دمت بالف خير و عافيه
ننتضر المزيد من ابداعك
تحياتي لك

[فقار الكرخي]

نورتوني يالغوالي .