شعر شعبي , قصيده , مطاليب زوجه , شارك في كتابتها 14 شاعر
(مطاليب زوجه )
(حصري لمنتديات درر العراق )
كتبت هذه القصيده في الخمسينيات او الستينيات وقام بكتابتها (14) شاعر من شعراء قضاء الحي
واحببت ان انقلها لكم بعد ان قراءتها في الجزء الاول من ديوان (غراميات شعراء حي واسط ).
ومعظم الشعراء راحلون عن عالمنا .
وهذه رائعه من روائع الادب الشعبي حيث جمعت بين الجد والهزل .
بحثت ناحية اجتماعيه كانت ولا تزال مشكلة من مشاكل واقعنا الاجتماعي
واليكم هذه الرائعه عسى ان تقضون وأياها وقتا ممتعا احبتي الدرر :-
قاضي الغرام في الحي :-
قضيتي امحيرة وشاب الكلب بيهه ... مرتي اتريد كردانه ابتراجيهه
مرتي اتريد كردانه يهل المخلوك ... اكلهه افلوس ماعندي تكلي ايلوك
قاضي اهل الهوه امصيت ابن معتوك .... علموني البصيره اشلون تاليهه ؟
الشاعر سالم الدباغ :
جان انته يقاضي بهاي تخلص زين .... انه اتريد من عندي قصر قاطين
كتلهه فقير اتكلي خو بالدين .... شيده والسعيده خل اساويهه
الشاعر خضير عبد الحسن :
القصه قصتي قصتك تراهه اتهون ....حجل امن الذهب وكلاده هم يردون
كتلهه بت عمي القضيه اشلون ... وصل خشمي الفكر واذني امغطيهه ؟
الشاعر سلطان عريبي :
انه ابكل صبح هوسه وندك دمام .... مرتي وما يهمهه امن العسر يسلام
هول ومشتل اوي المطبخ او حمام ... طلبتهه ومحربه وكون البيهه ؟
الشاعر محمد الحاج غالي
مرتي اتريد مني اليوم ثلاجه ... وقايش من ذهب وحزام محتاجه
ولج تدرين ما املك الفراجه ... وحجري ابلبن وبطوف بانيهه ؟
الاستاذ الشاعر ماجد الشيخ خضير الكناني :
مرتي يالنشامه مرمرت حالي ... بالموديل تحجي والكعب عالي
وآنه من التتن ها يلربع خالي ... عقاري او يالسلف مطلوب شوفيهه ؟
الاستاذ الشاعر بدر علوان القيسي :
مرتي امن الصبح سوتلي هوسه اليوم ... عريانه تكلي وفوف اخذلي اهدوم
كلها اتبذهب واني جزاني السوم ... منك شيبت والروح سابيهه
الشاعر محمد علي السيد جابر
بالكلاده وتراجيهه رضا محتار ... وسالم مرته رادت قاط ثاني الدار
جا انه شكول تريد الف دينار ... نيشان الخطوبه وكون اوديهه
الشاعر الاستاذ ناصر عباس جويد
قضيتي امحيره وكل يوم بلوه اتزيد ... شحجي يخوتي وادري الحجي ميفيد
اكلاده وحجل وبتوت مرتي اتريد ... وسياره وقصر وتنول مانيها
الشاعر علي عبد الحسين الزبيدي
هذي قصتك ياقاضي كلهه اتهون ... مرتي اتريد سياره وقصر صالون
اكللهه ولج هذا الحوش هالمرهون ... اتكلي طلبتي لازم تلبيها
الشاعر محمد علي جلاب
مرتي اتريد مني حجل فوكه ازرار ... رحت انشد وكالولي مشه ابن كزار
حاير بالمعيشه ازغار فوك اكبار ... ضاربني السميري اشلون اربيها
الشاعر محمد صالح الزبيدي
اشلون امحيله او تحجي وحجيهه اكبار ... اريدن منتشه او مدفع شذر وسوار
كلتلها ولج ماعندي والعكار ... لصرخ بالدرب كالت لتحجيهه
الشاعر حسن حميدي العسكر
مرتي اوياي زينه اشما اجيبلهه .... نعمه اتكول رجلي وروح اسالهه
ياريت النساء الكل تمثلها ... وانخه من الاله ايكون يبجيها
الشاعر الحاج كاظم الحاج صالح
وانه اتريد كردانه وحجل وبتوت ... تخم هندي تريد امرصع ابياقوت
كتلهه يبت عمي وحك الصوت ... طلبتج هاي كلفه او مكدر اجريها
رد مع اقتباس
المشاركة الأصلية كتبت بواسطة اجمل انسانة
