واحة الخير
هـلا بجـيتج ييمة يأم كـل الورود ........وهــلا بصوتـج ييمـه مـن تناديــن
انتــي الخيركلة وانتــي كل الجود........ والكـرم يستحـي منـج من تكرميـن
انتــي الواحه يمة البيها كل الخير........ و الكل منج حُصاد وانتي تزرعين
لــو مهما تنقصف ماتنهـد الجبال ........بس جبال يمج تنهد من تصبريــن
الصبر مر الطعم ومل الصبر ايوب ........وانتي شگد صبرتي ييمة وما تملين
تتعبين السنين وسهرانه طول الليل........ وتنيمين بجهالج ليالـي و ماتناميــن
دلللـــول يبنـي حبيبي يبني دلللـول........ دلللــول يمة شحلاتــج مـن تغنـيــن
حملتي حمل دنيـــا بحمل الاطفـــال........ وحملج مـو بأشهر چنــه تسع سنين
السمه تمطر مطر ومو حلوة الغيوم........ بس شحلات دموعج ييمة من تمطرين
الناس من تكبر كل الجمال يزول ........بس انتـي جمالج يكبـر مــن تكبريــن
بعيدج ييمة اهني من كل الگلوب ........واتمنـه ييمـه اشــوفـج مـــن تحجيــن
رد مع اقتباس
المشاركة الأصلية كتبت بواسطة نہٰور آلہملہۣۗكيہ
