الي بروحه وطن - اشعار عراقية 2015
الي بروحه وطن مشتعلة بيه النار
ويشيب راس صبره على الحبيبه
شرف بغداد كم زينب والطفوف
انطوله على الشرف ومن الكصيبه
من يوكع حجاب امي ستر بيه
ويصير بغيرة العباس شيبه
العراق بغيرته صطرات عباس
طبع المايجي بوقت المصيبه
المايستر خواته بغيرته اشكال
خلي يراجع يحلل حليبه
الزلمه يزيد من هيبة العكال
شتفيد العكل لو ماكو هيبه
القلب ينبض وطن من يوم الحسين
الوطن عباس والحق رايد كفوف
رغم طبع السواد ابيض بالعيون
مثل جبهة الليل بعين ذيبه
على ريحة دموعي تورد الخدود
من اسمع صوتهن مايكول غيبه
غريبه هالوطن دكيت العيون
جريمة المادفع هذا الضريبه
احنه اول شعب حار الوطن بيه
يذبحنا ونرد نصبح عبيده
للشاعر تحسين العكيلي
منقول
رد مع اقتباس
المشاركة الأصلية كتبت بواسطة حـــلاة الـــروح
