حصدهه وكت العشگ
العمر من ينقره
سچه الحلگ مگبره
بس جيب اليفهمه..
فنه التحده الشمس
يخزرهه وكت الظهر
مو من تجي امسلمه..
والگضه عمره دغش
ماي وتبده غفل
ياچف اليلمه..
تجدح اعيون الجرح
لو مرله طيف الملح
يدري إبگفا لچمه..
والباني سره برمل
إلسان حچي المزن
لو سولف إيهدمه..
ضب حبلك اشما گصر
حچي الشماته خشن
من تخمل إيثلمه..
وزرع سوالف فرح
وحصدهه وكت العشگ
محصولك البسمه..
الليل نوطه گمر
واليحب لو ماسهر
تستاحش النجمه..
ولتصير مثل الحطب
للنار صاحب فضل. .
وﻻ تطش روحك ورد
عشاگه مو يمه. .
ابعين الغرگ بالدمع
تتبختر البسمه. .......
عباس رحيل
رد مع اقتباس
