بعدنــــه مانسينه
ولاتظن ننسه ..
وجهك والمزاح
وريحتك تغتر
يبو طول الحلو يالرفكَتك ونسه ..
يالاْسمك قلم ورويحتك دفتر
اسمك ينكتب على العازم بعرسه ..
مو قطعة سواد
وبكَبرك اتعثر
يالرايح كَلت يومين ..
مو اكثر
اشو ربعك اجو و بس طولك أتأخر
شنهو العطلك ..
شنهو العشكَته هناك
وامك تدري بيها .. مسودنه و تكَعر
شـ ظنك ..
نقشمرها و نكول ..؟
أمك من دمعها العذر يتعذر
احنه ندري الوطن يحتاج الرجال
و يحتاج الزلم ..
لو يغدر الخنجر
يالتشكَف رصاص
بعينك الحلوه
عينك من تصد للموت لا يسكر
الله وياك
يا عكَال المشاة
يا عز الصكَور بعزة الاطلال
يا تفكَة شريف
و قنصتك سنتر
الله وياك
يا درع وعقيده ورايتك خضره
يا قصه يتيمه وماتت بحسره
يانجمة صبح ... تتسامر وتسهر .
مجرد محاوله لكتابة شعر شعبي بسيط هدية لشهيد الوطن
(( رامي الاصيل ))
رد مع اقتباس
المشاركة الأصلية كتبت بواسطة اجمل انسانة
