ابو ذيات علوية هاشمية
-------------------------------
العلي مو بس عشك عاشق *&* و هاوي
بـشبج حبه طحت مغرم *&* و هاوي
مـو حـب رغـبه حبيته *&*و هاوي
هـويـته جيه أخو الهادي ووصيه
****
عـلـي من شيعتك احسبنه *&* وعدنه
الـبـاري بـجـنته لجلك *&* وعدنه
لـون مـتـنـه عله حبك *&* وعدنه
ووعـدنـه اويـاك علكوثر سويه
****
عـلـيل الدين يا حيدر *&* صحاباك
صـفوا من خيرة الصفوه *&* صحاباك
الـنبي من راد اله صاحب *&*صحاباك
مـثـل هـارون وي موسى سويه
****
عـلـي ذخـر كـل شده *& *وكفها
اشـكـثر عنه محن صدها *&* وكفها
شـهـم جـم موزمه طبعه *&* وكفها
ويـه أهـل الـنجف نهدي التحية
****
حـنـيني اشقد إلك قلبي *&* ويا بات
مـثـلـك يـا بلد عنده *&* ويا بات
الـنـسه ما طلقت ابمثلك *&* و يا بت
بـس الـمـصـطـفى سيد البريه
****
إنـكتب إسمك ابساق العرش*&* نصين
و إلـك آيـات بـالـقرآن *&* نصين
شـق ربـك جـدار البيت *&* نصين
و قـلـك فـوت حـماي الحميه
****
حـجيت و كَالت الشمات *&* ميجوز
قـلت من حب علي الدلال *&* ميجوز
الـصـراط اعـليه كل مبعوث *& *ميجوز
إلـه بـأذن مـن حـامي الحميه
يضن راس النواصب *&*علمه عالي
شجاب اهل السقيفه *&*علمه عالي
ضل حيدر علينه *&*علمه عالي
وطاحت للابد رايات اميه
****
الموت النفس مرهه *&* واعتلاهه
وكللي شلون لو مر *&* واعتلاهه
الصخر ساد المكابر*&* واعتلاهه
وانه ابن الكاظم يشد حيلي ليه
****
شما راد الوهابي *&* ما يراني
شبح من ارد اغبكه *&* ما يراني
الكوثر يم علينه *&* مايه راني
الـــــــــــــــــــــله اشرب وحق سيد البرية
****
رضا الباري الزجيه *&* من رضاها
رياض الورد تشرب *&* من رضاها
الدنيا اخبار تاخذ *&* من رضاها
وتدرس بالقضيه المهدويه
__________________
للمرحوم / علي كاظم ابوعمار
رد مع اقتباس
