لا طبيبه إولا مديره!!الشاعر حسين الساعدي
لا طبيبه إولا مديره!!
حسين الساعدي
:::::::
فاتت الصدمه ابسلامه
والخسائر مو جثيره!
والمهم يوم القيامه
أستلم روحي الأسيره!
واليغش حته ابغرامه
هذا ما حاسب ضميره!
إوياحسافه إويا نَدامه
والورد غش ابعبيره!
وانصح اليمشي ابكلامه!
دنيتك كلش حقيره!
ويندم الخالف عمامه
وما مشه ابراي العشيره
وانصح اليبدي ابهيامه
إبلا طبيبه إولا مديره!
باجر ايحير ابمرامه!
وهايم ابهاي الجزيره
وقُصِتِي ابهاي العلامه
جَرَت الدمعه الاخيره!
وبقَسمنا إويامه يامه
وحته بحجايه الزغيره!
تالي ما طلعت حمامه
وطلعَت الذيبه الفقيره!
أنه جبتلها ابتسامه
وجابت اجروحِ الجبيره
وأنه بدموع الملامه
وهي حَنتها الضفيره
والقدر كال ابنضامه
كلمن ايروح المصيره
وهيه زفوها ابسلامه
وانه حفرولي الحفيره
وانه حفرولي الحفيره!
االساعدي
رد مع اقتباس
المشاركة الأصلية كتبت بواسطة النقيب
