هنا

[ارجع يازمان]

كون أنام!!
حسين الساعدي
::::::::

كون انام
واكعد ابيوم القيامه
لاكلام
إولا غرام
إولا ندامه!
وحته ما تنسحن روحي
ابهايه دمعات اليتامه!
يازمن
كلك أذيه
وماجبت غير الملامه
راحوا
الجانوا اليه
وللفرح جانوا علامه
وهذا
عيد الله الاجاني
امنين ادبرله ابتسامه!
والشمع
عاف الصواني
والكمر غش ابغرامه!
جانت
اتتوزع أماني
دنيتي بخير وسلامه
هسه
تمطر بالدواعش
والوفي احتار ابمرامه!
والكلام
الجذب عايش
والصدك مات ابكلامه!
كوون
أنام
اتمنى انام
وأكعد ابيووم القيامه
الساعدي

[النقيب]

شعر جميل
تسلم ايدك

[مريم الحبيبه]

اي وآلله كون انام
ياااااااااااااااااااااااا اااااااااااااااااااه
يا الساعدي
والله كلماتك بلسم على كل جرح مجروووح

وراحه لقلب موجووووع
سلمت ودمت

[جروح الماضي لا تنسى]

روعة عاشت الايادي

[sawsanmahmoud]

شكرا لك