الدمع من يمشي يعثر بلتجاعيد
ﺍﻟﺪﻣﻊ ﻣﻦ ﻳﻤﺸﻲ ﻳﻌﺜﺮ ﺑﺎﻟﺘﺠﺎﻋﻴﺪ
ﺑﻌﻨﻪ ﺍﻟﻤﺎﻧﻤﻠﻜﻪ ﺍﺑﺴﻮﻙ ﺍﻻﻭﻫﺎﻡ
ﺍﻻﺑﺪ ﻣﺎﻳﻮﻡ ﻧﺬﻛﺮ ﻟﺰﻣﺘﻪ ﺍﻻﻳﺪ
ﻭﻋﻠﻰ ﺍﻟﻮﺍﻛﻒ ﺭﻛﻀﻨﻪ ﻭﻣﺎﻭﺻﻠﻨﺎ
ﻛﺘﻠﻨﻪ ﺍﺭﻭﺍﺣﻨﻪ ﻭﻣﺎﻧﺪﺭﻱ ﺷﻨﺮﻳﺪ
ﻭﻣﺸﻴﻨﻪ ﺍﻋﻠﻪ ﺍﻟﺠﻤﺮ ﺣﺪ ﻣﺎﺻﻔﻪ ﺍﺭﻣﺎﺩ
ﻭﺭﻛﻀﻨﻪ ﺍﻋﻠﻪ ﺍﻟﺤﺰﻥ ﺭﻛﻀﺔ ﻫﻮﺍﺩﻳﺪ
ﻣﺎﺧﻒ ﺍﻟﻌﺬﺍﺏ ﻭﻳﻮﻡ ﻋﻦ ﻳﻮﻡ
ﺟﺎﻱ ﺍﻧﺤﺴﻪ ﻛﻞ ﻣﺎﻧﻜﺒﺮ ﺍﻳﺰﻳﺪ
ﻭﺩﻭﺭﻧﻪ ﺍﺷﻜﺜﺮ ﻣﻠﻜﻴﻨﻪ ﺷﺒﺎﺝ
ﻧﻜﺼﺪﻩ ﻣﻦ ﻧﻜﻔﺮ ﺍﺫﻧﻮﺑﻨﻪ ﺍﻧﺮﻳﺪ
ﺑﺪﻝ ﻣﺎﻧﺴﻤﻊ ﺍﻟﻐﺮﺑﺎﻥ ﻣﻔﺮﻭﺽ
ﻧﻔﺰ ﺍﻟﺼﺒﺢ ﻧﺴﻤﻊ ﺻﻮﺕ ﺗﻐﺮﻳﺪ
ﺍﻟﺸﺎﻋﺮ ﺭﻳﺘﻪ ﺍﺫﺍ ﺗﺘﻨﻔﺲ ﺍﻫﻼﻝ
ﺗﻄﻠﻊ ﻭﻱ ﺣﺴﺮﺗﻪ ﺍﺑﻴﺎﺕ ﻋﺎﻟﻌﻴﺪ
ﺍﺷﻨﻜﺘﺐ ﻋﺎﻟﻔﺮﺡ ﻫﻮﻩ ﺍﺣﻨﻪ ﺷﻨﺎ
ﻳﻞ ﺍﺗﺮﻳﺪ ﺍﻟﺼﻼﺑﻪ ﺍﺑﻨﺎﺭ ﻣﺘﺒﻴﺪ
ﻳﻀﻞ ﻃﺒﻊ ﺍﻟﻴﺘﻴﻢ ﺍﺷﻤﺎﺗﺸﺎﻗﻲ
ﻣﻴﺠﻴﺪ ﺍﻟﻈﺤﻚ ﻭﺑﻮﻧﺘﻪ ﺍﻳﺠﻴﺪ
ﺍﺑﺤﻴﺎﺗﻚ ﻫﻢ ﺷﻔﺖ ﺭﺳﺎﻡ ﻓﺪ ﻳﻮﻡ
ﺭﺳﻤﻠﻪ ﺍﺳﻼﻝ ﻣﺎﺑﻴﻬﻦ ﻋﻨﺎﻛﻴﺪ
ﻣﺪﺭﻱ ﺷﻨﻨﺘﻀﺮ ﻭﺍﻟﻬﺴﻪ ﻣﺎﺟﺎﻱ
ﻭﺻﺎﺭ ﺍﺳﻨﻴﻦ ﻣﺎﺧﻨﻪ ﺍﻟﻤﻮﺍﻋﻴﺪ
ﺿﺤﻪ ﺍﺑﺠﻨﺤﻪ ﻭﺍﺣﺪﻩ ﻭﺭﺿﻰ ﺍﺑﻜﺎﻉ
ﻛﻠﻪ ﺍﻟﺨﺎﻃﺮ ﺍﻋﻴﻮﻥ ﺍﻟﻤﺼﺎﻳﻴﺪ
ﻣﻮ ﺩﻡ ﻫﺬﺍ ﻫﻢ ﺑﺠﺴﺎﺩﻧﻪ ﺍﻳﺪﻭﺭ
ﻟﺬﺍﻟﻚ ﺑﻴﻨﻪ ﺑﺲ ﺍﻟﻌﺎﻗﻞ ﺍﻳﺸﻴﺪ
ﻧﺠﻴﻚ ﺍﻋﻤﺎﺭﻧﻪ ﻭﻧﻐﻠﻂ ﺑﺎﻻﺣﺴﺎﺏ
ﻭﻛﻞ ﺳﺎﻋﻪ ﻧﻤﻮﺕ ﻭﻧﺮﺟﻊ ﺍﻧﻌﻴﺪ
ﻻﻥ ﻧﻌﺮﻑ ﻧﻮﺍﻓﻲ ﺍﻟﻬﺬﺍ ﻭﺍﻟﺬﺍﻙ
ﺑﺎﻟﻤﺎﻱ ﺍﻟﻌﻜﺮ ﻣﺎﻧﻌﺮﻑ ﺍﻧﺼﻴﺪ
ﻏﻠﻂ ﺳﻮﻳﻨﻪ ﻫﻴﺞ ﻭﻫﻴﺞ ﺑﻌﺪﻳﺶ
ﺧﺴﺮﻧﻪ ﻭﺭﺍﺡ ﻛﻠﺸﻲ ﺍﻟﻨﺪﻡ ﺷﻴﻔﻴﺪ
رد مع اقتباس
