طريقة عمل التويكس كيك
المقادير للكيك اولا :
90 جرام دقيق (3/4 كوب ) دقيق جميع الاستعمالات
1 ملعقة شاي بيكنج بودر
رشة ملح
60 ملل (1/4 كوب لبن)
1/2 ملعقة شاي فانيليا
60 جرام (1/4 كوب) سكر
60 جرام (1/2 كوب ) زبدة غير مملحة طرية
1 بيضة متوسطة
لطبقة الكراميل :
1 كوب كريمة تقيلة heavy cream
1/2 ملعقة شاي فانيليا
1/2 كوب (160 جرام) كورن سيرب خفيف او سيرب ذهبي
1 كوب (200 جرام ) سكر
4 ملاعق طعام (60 جرام زبدة) مقطعة مكعبات وبدرجة جرارة الغرفة
لطبقة الشكولاتة:
200 جرام (7 اونصة) شوكولاتة باللبن مفروكة فرم خشن (يفضل نوع شوكولاتة جيد)
2/3 كوب (150 ملل) كريمة تقيلة
اختياري: واحد تويكس مفروم علشان نحطه بين طبقة الشوكولاتة والكارميل لحتي يعطي قرمشة للكيك
الطريقة:
- ندهن 2 قالب مستطيل(قالب التوست ) 20 سم في 10 سم بمادة دهنية ثم يبطنوا بورق الخبز (لو عندنا قالب واحد بس يبقي نسوي الكيك في قالب وبعدين نرجع نستخدمه مرة تانية للمقدار الثاني
- نسخن الفرن علي درجة حرارة 180 درجة مئوية ولو بالفهرنهايت تبقي 350 درجة فهرنهايت
- نخلط الدقيق بعد نخله مع البيكنج بودر و الملح في وعاء متوسط ويترك جانبا
- نخلط اللبن مع الفانيليا في كوب
- بالمضرب الكهربي وعلي سرعة بطيئة نضرب الزبدة مع السكر في وعاء كبير الي ان يمتزجوا . وبعدين نعلي السرعة ونخليها عالية ونضربهم لمدة دقيقتين أو لحد ما نحصل علي خليط كريمي ولونه فاتح
- وبعدين نهدي السرعة ونخليها لسرعة متوسطة ونضيف البيض ونضرب لحد ما تختلط المكونات مع بعضها ونحصل علي مزيح ناعم
- ثم نضيف خليط الدقيق بالتبادل مع خليط اللبن علي ان تكون الطريقة بأن نضيف ثلث خليط الدقيق الاول ثم نصف خليط اللبن وهكذا ونضرب الي ان نحصل علي مزيج كريمي
علي ان نكشط جوانب وقاع الوعاء بالملعقة الخشب او السباتولا اثناء الضرب
- ثم نصب الخليط داخل القالبين اللي جهزناهم ونسوي السطح بالسباتولا ثم يخبز في الفرن لمدة من 20 الي 25 دقيقة او حتي ينضج (ولمعرفة نضج الكيك نغرس طرف سكين بمنتصف الكيك لو خرج نظيف بدون اي عجين فده معناه ان الكيك نضج وايضا هنلاقي سطح الكيك صار بونه ذهبي)
- يترك الكيك ليبرد لمدة 5 دقائق ثم ينقل علي رف شبكي ويتك الكيك الي ان يبرد تماما
لعمل الكراميل :
- نضع الكريمة والفانيليا والزبدة في قدر صغير علي نار هادئة مع التقليب الي اول ما يبدا المزيج في الغليان . هنرفعه من علي النار ونغطيه ويترك جانبا احنا عايزينه يكون دافئ
- في قدر متوسط او كبير ويكون ثقيل نضع فيه الكراميل لحد ما يوصل الكراميل لدرجة 150 مئوية او 300 فهرنهايت بنقيس الحرارة بترمومتر الحلوي لو مش عندنا ترمومتر يبقي هنعمل اختبار بسيط للكراميل (هنضع ملعة صغيرة من خليط السكر اول ما يغلي داخل كوب زجاجي صغير من الماء الساقع ونتركه ثواني لو اتحول لخيوط صعبة جوه الماء ولما نشيلها تكون سهلة الكسر لقطع صلبة يبقي وصل للمرحلة دي) هنرفعه من علي النار ونقلبه مع خليط الكريمة الدافئ (وناخد بالنا لانه بيعم فقاقيع كتر ساخنه ) حتي يصير المزيج كريمي سلس
- ثم نرجعه علي النار ويطهي علي النار لحد ما تضير درجة حرارته 120 مئوية او 245 فهرنهايت بنقيس الحرارة بترمومتر الحلوي لو مش عندنا يبقي هنعمل اختبار بسيط للكراميل (هنضع ملعة صغيرة من خليط السكر اول ما يغلي داخل كوب زجاجي صغير من الماء الساقع ونتركه ثواني لو تشكل علي هيئة كرة لن تتسطح عند إخراجها من الماء، ولكن تكون لينة وسوف تتسطح عند الضغط عليها يبقي وصل للمرحلة دي ) ثم نرفعه من علي النار ونقلبه لحد ما يصير ناعم
- وبعدين نصبه فوق قالب الكيك وترك الي ان يبرد تماما او نضعه في الثلاجة لمدة من نصيف ساعة الي ساعة
- ثم يقطع الي طبقتين بالطول ثم ينقل الي طبق واسع وعليه ورق خبز لحتي نعمل جاناش الشكولاتة
لعمل جاناش الشكولاتة:
- نسخن الكريمة علي نار هادئة واول ما تسخن نصبها فوق الشوكولاتة وتترك لمدة 5 دقائق لحد ما تذوب الشوكولاتة وبالويسك اليدوي هنقلبهم مع بعض الي ان نحصل علي خليط ناعم ( لو كان لسه فيه كتل في الخليط هنضعه في قدر به ماء مغلي ونقلب لحد ما تختفي الكتل ) ثم يترك ليبرد ويصبح بدرجة حرارة الغرفة ويصير سميك وبنفس الوقت نقدر نصبه
- وبمعلقة او كوب قياس نصبه فوق كل واحدة من الكيك علي شكل طبقة رقيقة وبالسباتولا نغطي كل الكيك بشوي من الجاناش المتبقي ونتركه يبرد شوي وبعدين نعمل رذاذ من الجناش المتبقي فوق الكيك (ممكن بالويسك اليدوي) نعمل رذاذات من الشوكولاتة فوق كل كيك .
- ثم نبرده في الثلاجة لحد ما يثبت الجاناش لمدة من نصف ساعة الي ساعة وبعدين يقدم . وممكن نتركه في القلاجة اكتر من كده بس قبل التقديم نخرجة من الثلاجة من نصف ساعة الي ساعة لحتي يكون الكراميل طري
رد مع اقتباس
