تورتة الفواكه والمكسرات بالشكل جديد
المقادير:
اولا:كيك الفانيليا
2 كوب دقيق منخولين مع معلقتين كبار بكينج بودر وربع معلقة صغيرة بيكربونات الصودا
كوب سكر
ربع كوب زيت (ينفع بدل الزيت سمن ربع كوب سمن)
3 بيضات كبيرة
عصير ليمونة كبيرة
3 علب زبادي جهينة وزن العلبة 80 جرام هنفرغهم في كوباية واحدة
ربع معلقة صغيرة فانيلا
رشة ملح
الطريقة:
- نخفق البيض والسكر والفانيلا والملح بالمضرب الكهربائي او خلاط العصير لحد ماينفش البيض لمدة 5 دقايق ان شاء الله
- وبعدين نحط الزيت ونخفق ثانتين بس عشان يتقلب
- ثم نضيف المكونات الجافة بالتناوب مع الزبادي على تلات مرات مع الليمون طبعا
مرة دقيق مع زبادي ونخفق عشان يتقلب بس ونكرر العملية دي 3 مرات لحد ماكل كمية الدقيق والزبادي تخلص هيكون خليط الكيك كريمي
- نصب الكيك في صينية 26 مدهونة كويس وندخلها فرن حرارة هادية 160 الى 170
ومانفتحش عليها الا بعد 30 دقيقة وبتاخد 45 دقيقة ان شاء الله ونقلبها تبرد لمدة ساعتين
لعمل الحشو والتغليف اللي هو الكريم شانتيه مع الفاكهة:
- في بولة نخفق 15 معلقة كريم شانتيه سايب يعني 3 مغلفات دريم ويب نخفقهم مع كوب وتلات ارباع مية متلجة او حليب و4 ملاعق كبيرة سكر بودرة لغاية لما تنفش بتاخد يجي 7 دقايق
طريقة تجميع التورتة:
- نجيب علبتين كمبوت نوعين واحد كمبوت اناناس والتاني كمبوت خوخ او نوع واحد
- نقسم كيكتنا الحلوووة 3 ديسكات وكل ديسك نحط كريمة كمية محترمة لانها اساس الطعم تورتة الفواكه وقطع صغنونة اوووي من الاناناس والخوخ يعني مش هنهدر علبة كمبوت الفواكه
ومش هنستخدم بس الا اناناستين وخوخاية ونوزعهم قطع صغيرة بين الديسكات
- ونغلف الكيك كله بطبقة بسيطة من الكريمة ونغلف حروف وجوانب التورتة بمكسرات بندق او جوز هند شرايح
- نقطع كل اناناسية نصين ونبدأ في رص الاناناس ع الكيك بطريقة مايلة وفوق كل واحدة اناناس كريزة
- نقطع خوختين كباار شرايح ونحطها في النص على شكل وردة وفي النص كريزة
- وندهن الفواكه اخر حاجة بعسل نحل او مربى مشمشعشان تدي اللمعان للفواكه
- واخر لمسة اننا نعمل وردات بالكريم شانتيه على كل اناناسية وعليها اي مكسرات او فستق
وصفة منقولة
رد مع اقتباس
