كلشي بغيابك ذبل
من درت وجهك صدگ
دارت وجهه الشمس....
وماضل خلگ للنده
واهس الورده أنكسر.....
وأنساك!!
هذا حچي...
ولاچنّك انتَ الگبل تجرحني وأنزف ضحك!!!.....
من رحت كلشي طفه
بغيبتك حته الگمر
ماسيّر عله الورد.......
ويالعلمتني الدفو....
حته الدفو البلحچي غيّر لهجته البرد....
تغيب الروح بغيابك وردها
كتاب جفاك من عندك وردها
روحي بفرگتك يذبل وردها
شمس انت وتنور الدرب ليه
ليش تغيب عني وتدري هاي الروح
يكتلها الحزن لو طوّل غيابك
وادموع الألم صارت بخدي امواج
ما ترجع تنشف دمعة احبابك؟
امسح فوكـَ راسي بجف حنان ارجوك
أحسبني يتيم وكَاعد ابابك
تسوه الدنيا عندي من اكعد وياك
وبدونك كلشي ما تسوه دنيتي
من اطب البيتكم اشبك على الباب
ويشبكك بابنه من تطب بيتي
اتاذه اذا ويه غيرك ارتاح
وحيل ارتاح اذا منك اذيتي
عليك العين تبجي ليل ونهار
واكلهة شعطلج شو ما بجيتي
يوصي اهله بجهاله الرايد يموت
وبس اسمك لكو اهلي بوصيتي
اريد اكتب احبك لكن شلون
شو يا بيت الكتبه ارجع اعيده
حتى خيوط فكري متشتته تصير
مدري شلون اكملك قصيده
من كلمة احبك والله مليت
... ... اريد اكتب الك كلمه جديده
ما مطروقه بكتاب وجريده
كلمه وفيها حكمه وكله اسرار
مناهج للعشق تشرح عديده
ما اريد القلم يكتبه الك
اريد الكلب يكتبه بوريده
واريد الروح توصل للاريده
