هنا

[زهہرة]

طويناها صفحتك وانتهى الموضوع
فعل ماضي صفيت وخلصت المدة
شتتوقع مني ابوس جدامك لمن تروح؟؟
واسحگ كبريائي واطلب النجدة؟!
صح الگمر چبير والنجوم اصغار
بس تحلى السما مو بالگمر وحدة !
واذا ساكت ترى مو لان ماكو لسان
مرات الصمت من الحچي ابدة
من اكتب شعر لاتعتقد بطران
البلابل بالقفص من ضيمهة مغردة ...

[الاسمر العراقي]

أكتُب عن الحُب كثِيرا وأعِيشُہ قلِيلا
أكتُب عن اللِقّاء و أقعُ في الغيّاب
أكتُب عنْ أشيَاء أرُيدّها ولا أجدُها

[زهہرة]

شجاك ارحلت عني بساع ومشيت !
حتى بالچذب ماگلت راحل ...
مو حتى السفينة گبل ما تروح !
تصيح الناسهة وتحضن الساحل ..
وحتى الشمس من تروح على الكيف
ماترحل غفل ترحل مراحل
ومحطات الخلك تصعد قطارات ..
شجاك اول محطة وگلت نازل ؟!!

[الاسمر العراقي]

مثلي هم مشتاگــه؟ مخنوگه بهواچ ؟
يله جذبــي ! بداعتي وگليلـــي اي

گلبي زعل حضرتچ ؟ فهمينــــي زين !
اني ازعلــــه ... واگطع الدگـــه البي ...
گولـــي اذا مجبوره احلها ومااموت !
روحــــي گليلــه انه مدنگ اجـــيّ ...
والله خل يذلني ... بس ليطخ اديــچ
فدوه خل يعوفچ... وامشي بحچيّ
شنهي جنچ ساكته ؟؟ ومقتنعه بـي ؟
لو يسوه والله ارتاح .. بس مايسوه شي

[زهہرة]

غربنا الزمن بين المحطات
ولگينة الدمع واگف ينتظرنا
بعدنا اصغار واكبر منا الهموم
وحزن بحزن جبناها وكبرنا
لا بينة صبر نتحمل اهموم
وعلى العمر المضى شينفع صبرنة
لا يا زمن ارحم دمعة العين
وشوفنة الفرح بآخر عمرنة ..

[الاسمر العراقي]

قد اتعبتني كثرت احزاني
ومللت م̷ـــِْט جور زماني
لم افهم لما لاتتحقق احلامي
وهم يكبر في وجداني
ولا ادري الى متى سبقى اعاني

[زهہرة]

تذكر من گلت ما انساك
گتلك چذب تنساني
گلت صدگ وحگ عيناك
غيرك ما احب ثاني
وگلت للموت اضل وياك
مهما تريد عدواني !!
مو انت الگلت للموت
حدي وياك لو جاني؟
مو انت احلفت بالآيات
گلبك دوم يهواني
شنهو السبب يهواي
تصد وتزيد احزاني
مو اني الاسولف بيك
واسمك دوم بلساني
واني الما امل طاريك
گلبك ليش ملاني
لا چنك ضحكت وياي
ولا جدمك تعناني
نسيت العشرة يا " غالي " ؟؟!
الله وياك هجرك حيل اذاني ......

[الاسمر العراقي]

من الله استحي ما ادعي ابد عالناس...
ولو طعنات ناسي بكلبي حيل اهواي....
الخالق طيبة امي ونغمة العصفور ....
حنين اشلون اكله ابحقدي صير وياي...
اودعنه لبجي حتى الطعني وراح...
وروحة بلايهرجعه ماكلت لعداي....
ونسانيتي تكتل 16شيطان.....
جهنم ماتخوفه العنده اماني اهواي...
رحت للراعي ابوكه وجان بيدي السيف....
بس رديت اناشغ من سمعت الناي...

[كبرياء فتاة]

مشكور سهمك وصل

[الاسمر العراقي]

احبك مو مثل باقي اليحبون
لحد ماتمنيت تصير زادي
مكان لغيركم مابقت بالروح
ولاظن يرهم لغيرك ودادي
جنت وياك اضوكن فرحة العيد
ومن دونك يمر العيد عادي
بكلب ابيض عشتها وياك الايام
وغبت عني وغطس كلبي بسوادي
حدادي اعليك صدك تارس الروح
وبعد لتظن افك حزني وحدادي