هنا

[رسـيل_^]

ولاانت الگايلي اجيك ولاانت البصدفه جاي
خل اروح.. شعندي وي الماله راي
خل اروح وهاي اخر انه احبك
واليحبني يگلي احبك
لايوديها وراي

[رسـيل_^]

سالفه العاف القفص يرجع عليه
شعــنده راجع بعــد لاتحـچـيهه
انه ردتك لمن چانت بيه روح
ترجع المن بعد روحي شبيهه
التفگه المكتره بساعات الثگال
فشله من يگضن تجر سرگيهه

[جولين]

الله منزلك مفصل علي تفصال
وعلى قفل الكلب مفتاح ومرهمك

[رسـيل_^]

ما مشتاگـلك بس گـلبي مدري شبي
توازيـت وحجـيت شمـوع للـظـلمه
الخسرني بلاسبب ذمـه برگبـته اللـيل
البي شديـت عينـي وما خطف رسمه
انه وجـه وگـفـه للـملگه عنـدي عيـون
الفـارگ والمفـارگ من يجـي اشتـمه
خـذن منـي سمـار الحنـطه والفـلاح
مـن عيـني سـهر تـداين النـجـمـه
النفس ثگلت مشيته وصدري مابي باب
گامـت ما تـكـفي بريـتي النـسمه ..

[جولين]

العوض بالله الراح خيروح
ربك كلشي بيهه مخلي قسمه
مو شرط الحبيب يعيش وياك
يكفي بكاع كلبك زارع اسمه

[رسـيل_^]

غضبك وحزنك تجاه أي حدث
لن يغير في الحدث أي شيء
سيغير ملامحك فقط
ويجعلك أقل جمالاً

[رسـيل_^]

لا تحلم كثيراً وتنسى أن تعيش

[رسـيل_^]

الدنيا مو دنية عشگ يبن الحلال
لا تخلينة بمحبتك ننجبر
انت ابن العافية وابن الدلال
واحنه ولد الموت ربانه الفقر
بينه وبينك فرق كلش چبير
وما نگول اسباب كل هذا الفرق
وما نكمل السالفة الحد الاخير
امن الاساس وياك مسدودة الطرق
وياك ما نرهم وما ترهم محال
ويانه ما تگدر تدوم وتستمر
وباهو گلك بالسهل درب الوصال
وانت تدري دروبنة مورثة جمر

[رسـيل_^]

أريد أگعد گبالك لحضه عين بعين
لأن وياك أنسه همومي واحزاني
واريد بقفص حبك أبقه مسجون
ولا اطلع برائه وأنت سجاني
أجيتك تايه أني بغير عنوان
لأن أعرف محبتك هيه عنواني
شدلاني عليك وأنت عني بعيد
غير الگلب حبك.... وهو دلاني
ياليلي ونهاري وكلشي بيه يعيش
ياأمي وأبويه وكل خواني..

[رسـيل_^]

جرب، مرة انته وازعل وياي
وشوف شراح اشسوي حتى اراضيك
أجيلك معتني يل دربك بعيد
وأنام اباب بيتك حتى الاگيك
ومن تطلع تفز وتشوفني أهناك
يرق گلبك عليه وابدي احاچيك
واقدملك حياتي باقة أزهار
روتها دموع عيني واني اهم بيك
وادلعك دلع ما يخطر على بال
من خصلات شعرك اني اناغيك
صحيح اكتب شعر واكتب أنا افكار
لكن بالغزل بس انته اعنيك
لكن بالغزل بس انته اعنيك