هنا

[رسـيل_^]

حالي بعدك ...
مثل ‫#‏اخرس‬ امة ‫#‏عمية‬
شلون لو رايد ‫#‏حليب‬
____________

[رسـيل_^]

الـنـاس شـافـونـاا سـوا
حـسـبـونـاا مِّـَِن اهـل الـهـوى
مـايـدرون جـامـعـنـا جـرح
واثـنـيـنـا انـدور دوا ...

[رسـيل_^]

من تزعل احبك ترضه احبك موت
قفل بالي عليك وصرت مسجونك
ومن كلبي اغار اعليك تعرف ليش
جي يحترك منك كتله خي عــونك
محد يشبهك واهلك احتارو.. بيك
من تطلع وتـرجـع مايعرفـونــك..
احسد صفنتك واحسد السكته البيك
ولأن تفتر براسك احسد ضنونــك
لونك يختلف مو مثل لون الناس
ربك مدري شنهي اشخالط ابلونك
باوع على عيونك بلمرايه وشوف
تلكه اعيونك انته تغازل اعيـونك..
مدري شلون لونك لون يعكس لون
ولونك يسـئلك.. ويكـلـك شـلونك...
صحيح الناس عدهه عيون ويحسدون
وتعرف ليش ماكدرو يحســـدونك
على امتون البشر ربك يحط ملكين
وانته اثنعش واحد حط على امتونك

[sarah sona]

مالوم الدمع لو نكَع العين
ينزل ع العزيز بكل مشاعر
حقهه ادموعي تنزل فاكَده اعزاز
لو بره البلد ... لو بالمكَابر

[جولين]

مدري اشتاكلك ؟؟ صدكني مدري انساك
هنة اثنينهن شلعة كلب لهواك
تواعدني واجيلك وانتظر ساعات
وارجع والدرب ينشدني شو رديت
واتامل اشوفك وادري ما الكاك
ما جيت على باله وتنظر خليت
واخليلك ( احبك ) واكفة متانيك
من تمر عليها عود اخذها وياك

[رسـيل_^]

لا تحجي بنتر من تنصح الناس
ابدي بعيب نفسك يله تتكلم
الكدامك بشر مو كومة احجار
لذلك من تجرحه تشوفه يتألم
ابدي بكلمة طيبه ورقه واحساس
حتى يحب حديثك منه يتعلم
احسن ما تفّطر كَلبه وتبجــي
خلي من يشوفك وحده يتبَّسّم
ازرع طيب خاطر انت تحصد طيب
وعلى الغير بحصادك دوم تتقدم
ومن تبني اساسك ثبنته بالخير
على الطيب البنيته صعبه يتهدم
واشعل شمعه روحك تسعد الناس
تظل عمرك ملك ماراح تتـــــــندم

[رسـيل_^]

افوز عليك بالحب لو يصير زماط
وعلي متفوز صدك لو تموتني
اذا انته تحبني بكد نجوم اليل
احسب بالبحر جم قطره خبرني
انه بكدهن احبك ويه نهر النيل
كل هذا وتريد انوب تغلبني !

[رسـيل_^]

ماشوفك تحبني وچنك انت ابعيد
اشما اقرب عليك ..اتزيد حسراتك
أذاا خايف احرجك ..گلي ليش اتخاف .. ؟
ماريد آنه اصبح ..سبب مأساتك
احسب للطريق ، وشوف دربك زين
بس آنه اعتقد ..حاسب حساباتك
مرات اني اشوفك ..قمه بالاشواگ
ومرات احس گلبك ..عكس نظراتك ..!!
أشوفك ترف ، واطمع ع الترافه البيك أجيك
وتنگلب قاسي بعلاقاتك يـا حاتم بالكرم
وأكثر بعد للناس ..بس وياي .. تبخل
ليش ساعاتك...تلعب على اجروحي ..وتضحك ومرتاح
وأنا ابطيبة گلب .. احمل جراحاتك
واضح ويه غيري ..وغامض انت وياي
أتمنى اني غيري .. واحوي ضحكاتك
بس راح اني اعوفك ..وانشغل بالروح
وما تلگي من يمسح غيري دمعاتك

[جولين]

الليل شبعني سفر واني بمكاني

[sarah sona]

ما يحتاج تتكبر على الناس
وعود الزين انته واني مو زين
لا تظن انته خايب من ذهب مخلوق
والله وداعتك كل احنه من طين