هنا

[رسـيل_^]

انته وينك؟
الليل جلجل...
الدمعه تنزل تنحسب عد الله ركعة
وليل المفارك جهاد ودمعة العاشك سنينة
اتذكريتك والكلب فايض حنينة
وتذكريتك من جنت تهمس بأذني
حاسبينك مثل رمش عيونه ! بجيتك علينة
وهسه وينك ضاملك سوالف مالحات
ملوحة الوادم كبل .......كلش حنينه

[رسـيل_^]

جرب، مرة انته وازعل وياي
وشوف شراح اشسوي حتى اراضيك
أجيلك معتني يل دربك بعيد
وأنام اباب بيتك حتى الاگيك
ومن تطلع تفز وتشوفني أهناك
يرق گلبك عليه وابدي احاچيك
واقدملك حياتي باقة أزهار
روتها دموع عيني واني اهم بيك
وادلعك دلع ما يخطر على بال
من خصلات شعرك اني اناغيك
صحيح اكتب شعر واكتب أنا افكار
لكن بالغزل بس انته اعنيك
لكن بالغزل بس انته اعنيك

[جولين]

اذب كل حركة الله من احجي وياك
وترد انته بكلام يجمد الصيف
شلون نسيت كلي خاطر انساك
يالمكابلني وجهك حتى بالطيف

[رسـيل_^]

بطلت الفرح ظليت ابيع هموم
واسعار الهموم مسجلة بخدي
الرايد حزن خل يجي ياخذ دين
والرايد فرح يعذرني ماعندي

[رسـيل_^]

بالي يمكم
روحي يمكم
كلبي يمكم
وفكري يم ذيج السنين التعبتني وتعبتكم
وداعت الفقرة اليتامه
المااحب واحد يغثهم عيني متفارك صوركم
وداعت الدمعه البريئه الجلبت برموش عيني
البال مشغول بفكركم
ها اكلتو
ها شربتو
ها ضحكتو
ها اخاف الدمعة متعلمة اعله خدكم
طبع بناس الصبح فيروز تسمع
واني اسمع
بس تعالو
بس تعالو
وفرحو روحي العذبتي وعذبتكم
بالي يمكم
روحي يمكم
وروح كل شاعر فقير المات مامرتاح احبكم
وداعت الليل السهرته
وداعت الصفنه الطويله البيهه راحة بال شاعر
وداعت ابيات القصيدة الغافيه بحضن المشاعر
البال مشغول بفكركم

[جولين]

روح ما محتاجك والله العظيم
كبل جنت احتاجك بس هسة لا
ما اباوع ليوره من امشي بطريق
ادري يعثر كلمن يباوع وراه
انه ما دنك اذا يوكعلي شي
محالل ومواهب اصيحن للكاه

[الشاعر سجاد باقر]

ممكن توضييح

اصلا المدونه شنو معناها وشنو فرقها عن هاي المدونه



وليش الاعضاء يكتوب بيها وشكراا

[*جوهره*]

[رسـيل_^]

اصلا المدونه شنو معناها وشنو فرقها عن هاي المدونه



وليش الاعضاء يكتوب بيها وشكراا

شووف هنا كل واحد يسوي مدونه اله يعني يجي لهنا يفرغ الي بكلبه والي يحب يشاركه يجي وماكوو فرق مابينهم

[الشاعر سجاد باقر]

شووف هنا كل واحد يسوي مدونه اله يعني يجي لهنا يفرغ الي بكلبه والي يحب يشاركه يجي وماكوو فرق مابينهم

هاااا هيج لعد
شكرااا للتوضيح