لتعاشر شمس وتكول توفي وياي
مو طبع الشمس للناس وفاية
ولا تامن شخص لو شفته طيب السان
يرميلك سهم ويلفة بحجاية
وليغرك نهر وتشوفة ازرك لون
ماتدري النهر انت شغمك ماية
بس ازرع شجر ماتخسر انت بهاي
لأن وكت التعب ترتاح بفياية
وظل دور حبيب يفيد وكت العوز
يوكفلك جسر ويصير تجاية
سأختلس العزله لنفسى بين وقت وآخر
لترتيب الفوضى بداخلى ۆۆۆۆۆ ۆ
اغلب القلوب الصامته..
تخبئ بداخلها بحرا عميقا من الأحزان
شفتك بعيني لاتقول أنت واهم
شفتك مع اللي قد نصحتك تخليه
لافاد بك نصحي ولاانت بفاهم
تكرر الغلطات دايم تماشـــيــــه
على عمار الحب أرجوك ساهم
لاأصير وحدي أزرع الشوق وأجنيه
اليسمع دفو صوتك يوكع بشده
او ماصدك وراهه يضل صبر عده
اكو كبلي نبي كالو مكلم الطير
وانه اول انسان يكلم الورده
هنياله الهوه اليمك بكيفه يفوت
لاتحمر اخدوده ومستحه اترده
ولا يستاذنك يلمسله شي لولا
او يقترب منك خايف اصده
هم جان اسم غيرك بالعب ينكال
من تلعب اوياهم ياورد شده
هاذه اني الرااافع ايدي
وهذاك حلمي الماتحقق
كثيرآ ما أوصف بالغرور ولكنني لا يربطني بالغرور ايّة صله
ولكنهم رأوني بعيدة عن جلساتهم التي لا تعجبني
و تفاهة حديثهم الذي لا ارغب بسماعه
و النفاق الذي لا حد له
وكذبهم ..
والمظاهر الخادعه كل ذلك لا أحبذه
فإذا كان هذا هو نوع من التكبّر
فأهلآ بالغرور لأجلهم
شكد بيه نطـــــــيت اكبال شمات.
وانه كبال الشماته انطيتك عيوني.
تكلهم ما اعرفه منيــن هذا افلان...
كبل جنت انه اعرفه ولا تذكروني...
كتلك ها يروحي شغيرك شنطوك...
وعليه شغيرك مو جنت مجنوني...
كالو عــوفه كلشي اتريد ننطيك...
وما عوفك كلت لو كلشي ينطوني.
حرام اتسوي هيج اشبيك وياي..
ظحكت الشماته وخابت اظنوني...
وباجر شرد اجاوب من يسئلون....
ومحتار بجوابي ومن يسئلوني...
شكلهم مات بيه وشيعته الروح...
لو كلهم عدل بس عايش بدوني..
اظحك با الجذب وامسح دموع العين..
وما اصبر بدونك خل يعـــــذروني
وصحت الله واكبر بســـك فراك...
افراكك والشماته الموت شوفوني..
عجبني الحزن من مرلي حزنان
يمعود كلتله شصاير شبيك
على وجه ثقل وجنة زعلان
كال اسكت بعد مااريد احاجيك
وكال انسه كبل جنة احنه خوان
.... ولاتفكر اذكرك لو أمر بيك
فكرت وسألته وياك غلطان؟
مااذكر كبل حاولت ائذيك
ضحك ضحكه طويله وكال
بطران
شمالك صدكت وحدك اخليك؟
وإذا عفت البشر انته آخر انسان
ماعوفك جذب بس ردت اشاقيك ..!!@
منو انتة؟
يلداخل بكلبي دون استأذان ...
لا دكة .... احم .... لاهزه... لاعتة!!!
منو انتة؟
مثل نسمة شمال وهبت من بعيد
واخذتني غفل.... بهيدة وبسكتة..
ساحر ... والسحر يعجز يطلعك ليش؟؟
جربت السحر مافدني وعفتة..
لو صاحب كرامة وبلله انتنخيت
وجم نذر بنذر للخالق انذرتة
رتك تهد كلبي وتطلع من الروح
تالي اسكنت بيه وحيل المتة
منو انتة.... ؟
شرايد ولك عندي الهموم جبال
حمل كلش ثكيل وانتة جملتة
اطلع ما اريدك لاتعذ ب الروح
انا كلبي رجيج وزيدت ونتة
منو انتة؟
دخيلك يا الهي اشوكت يصفى البال
مليت الحيـــــــــــاة ابعـــز شبـابـــي
