أنه ذاك الكاعد اصبغ!!حسين الساعدي
انه
ذاك
الكاعد
اصبغ
كحله بعيون الوكيحه!
* مو مريحه,,
يامصور*
يلله
صَور
واركض ابهاي الفضيحه!
احنه
وادم
ما نكيف
اله باللقطه القبيحه!
مو مريحه
دمعتي الما مستريحه!
* ابدنيا*
* تتكلب علينه*
ضيكت بينا الفسيحه!
مو مريحه!
لازم ارسملي ابتسامه
حتى لو ضحكة جذب وانسه الندامه
بلكي افك امن الملامه
كلنا
مجروحين
لكن
مانداوي النزف جرحه,,
وممكن احنه ابكل سهوله نلجم الروح الجريحه!
احنه غلطه
ابدنيا ورطه
والحزن لازم دربنه .. البخت مايكدر يزيحه,,
صرنه نفرح باليسولف جذبه حلوه
ونكره الكلمه الصريحه!
مره جدي
* سولفالي *
احجايه موزونه وصحيحه
كل حرف من حجيه ورده
وسوه بستان الورود ابعقلي يزهي باحله ريحه,
كال يوليدي أرد أنصحك
استمع مني
النصيحه..
الما يريدك لا تصيحه!
هيبة الرايح تصير اوياك ذله.. من تصيحه!
فرزن ابعين العواطف!
قبل لتطب العواصف
لا تخلي كلمة أسف... ابلايا قيمه ومستبيحه!
الخطر مطرة انصاف ومنها بس الله اليحرسك
والمطر
لازم يمسك
ايجوز من الفاتحه ايطلعون عرسك.
خلي سرك ويه نفسك
بالزمان
الخله
ضحكاتك
شحيحه!!
* وعله نفسك... لا تسولف كل الاسرار اويه نفسك*
ايجوز نفسك هم تفضحك ..
كل نفس أماره بالسوء .... تغدر احسين ابضريحه,,
مو مريحه!!
مو مريحه,,
حسين االساعدي
رد مع اقتباس
المشاركة الأصلية كتبت بواسطة النقيب
