مساجله دارميات بين شاب وفتاة
مساجلة بسيطه بين شاب احب فتاة ولها ١٠ اخوه ولكن اخوتها يعارضون على زواجها
مجرد فكره لموضوع المساجله .
هي :
محبوبي روح ابعيد بالك يشوفوك
عندي عشر خوان خافن يعذبوك
هو :
مو عشره لو عشرين خلهم يصيرون
ابقه واظل اهواج يانور العيون
هو :
مو عشره لو ميتين خلهم يصيرون
ماتوب انه امن هواج خلهم يسمعون
هي :
اعرف تحبني اهواي وتضحي بالروح
ومن خوفي انه اعليك اگظيهه بس نوح
هو :
ياعمري لاتبچين شنهو الجره وصار !
وگليبي يمچ عود خليته تذكار
هي :
ابچي وانوح اعليك چي لنك ابعيد
ومن تدنه يمي ابيوم چن هلت العيد
هو :
هذا انه يمچ جاي مارايح ابعيد
وراح انتظر ملگاچ چن هلت العيد
هي :
اصرخ واگول اهواك وبأعلى صوتي
ولو انذبح والله متهمني اخوتي
هو :
راح اعبر الاخطار واتعنه لهلچ
واصرخ واصيح ابصوت عذبني حبچ
علي الشمري
٢٠١٥/٣/١٤
رد مع اقتباس
المشاركة الأصلية كتبت بواسطة حـــلاة الـــروح
