ساعات اشوفك ذهب!!الشاعر حسين الساعدي
أمشي وبعيد الدرب!
حسين الساعدي
:::::
ياويلي هذا العمر
مليان ضيم وقهر
أمشي وبعيد الدرب
ومنين اجيب الصبر!
ويساعد الله الكلب
وناته مثل الجمر!
وانته ابكلامك عَذب
تِسلب اعقول البشر!
لكن احجاية عتب
احجيها الك واعتذر!
دورت كل الكتب
ما شفت مثلك شطر
ساعات اشوفك ذهب
ساعات اشوفك صفر!
ماجان عندي ذنب
لكن ابعينك سحر
لعبت عليه لعب
جابت انجوم الضهر
اعلن اوياك الحرب
لوما ترد النظر!
مازالك انته السبب
المن أحن وأنتظر!
بالك تكول اشعجب
لوما حجيت اشكثر!
بطلت حجي الجذب!
ضليت اسولف شعر
االساعدي
رد مع اقتباس
المشاركة الأصلية كتبت بواسطة النقيب
