من صدمـة الوُقت كـني وسـط غيبوُبه
ما عدت افرق ، عدويني من اصحابي
الله يجازُي . زماُن زأدت عيـوبه
اللي جعل كل طعناتي من احبابي
ما اكذب اللي خدعني طيبة اسلوبه
ولآ اصدق الي يقول اعدائي اقرابي
ما كنت داري غدت الاوضاع مقلوبه
لين شفت المطوع سمي ارهابي
ياكلمة الحق ماانتي صدق مرهوبه
الله يحييك يمي فاتح أبوابي*
عاقل وهادي لكن صرتي عقوبه
مرات اقفل عشانتس قفلة اعرابي
لو كنت اجامل والفي كل منجوبه
ما كان لا جاء المعاند تسبق ركابي
ولو كنت شخص يسد حضور مندوبه
ما كان لا غبت تفقدني من غيابي*
ولو كان غيري بإيدين الوقت لعبوبه
انا من الناس وقتي يحسب حسابي
لأن البدن مالبس ثوب مهو ثوبه
فقير لله ربي و اعرف ثيابي
ويابنت درب الهواء معاد انا صوبه
لو زاد شوقي عليك المر عيا بي
الناس بالشام مذبوحه ومسلوبه
وانتي تبين الهواء والشوق يزها بي
انا اشهد انه بصدري نار مشبوبه*
واللي يسوا بهم كأنه يسوا بي*
صحيح نصف العرب مافيهم عروبه
لامن تذكرت فيصل تغرق له اهدابي
يابنت وين الرجال الي لهم نوبه
انا على المسلمين انهارت اعصابي
العمر مكتوب ... و الارزاق ... مكتوبه*
جعلي اجي في يميني شايل كتابي
لا هنت يالي كلام الحق عذروبه
الله يستر عليك وسجل اعجابي
رد مع اقتباس
