هنا

[صادق الخطاط]

ابن الزقوره السلام عليكم
يوجد في ناصريتكم الكثير من اصحاب الظمائر الميته ولكن في المقابل يوجد القله من اصحاب الضمائر الحيه امثال الدكتور عصام الدين ذلك الرجل الذي وهب حياته في خدمة الطب اتعرف كم ثمن سعر الراجيته (3000 دينار )اليس هذا الشخص يستحق ان يشار اليه ولكن رغم مايبذله الدكتور من مساعده للناس يقف اصحاب الضمائر الميته امامه ليعرقلوا عمله لانه لايروق لهم مايفعل من احسان وعندي شواهد كثيره على الاطباء اصحاب المستشفيات الخصوصيه
وشكرا

شكراً حبوبي ..
لكن هذا ( واحد ) من ( 500 ) !!!!!!!!!!!

[بهلول الرشيد]

دكتورة فيري

ما مسموح لأي شخص يتجاوز بأي كلمة على أصحاب أي مهنة او أيا كان

احنه نذم الحكومة .. لعدم اتخاذها اجراءات رادعة بحق المفسدين و المقصرين .. سواء كان طبيب أو مهندس او مقاول حتى ممرض، ماكو اي دولة بالعالم تعتمد فقط عل (ضمير) أو (الاخلاق المهنية) .. حتى ارقى الدول تعتمد انظمة الرقابة و تقويم الأداء و المحاسبة نتيجة الاهمال أو التصرف المسيء المتعمد او الفساد بانواعه ، إذا غاب الرادع تصير أمور البلد فوضى و هو هذا اللي دا نمر بيه حاليا، نعتب عل حكومة اللي لا تحاسب الطبيب المهمل .. و لا تحاسب الشخص اللي يسيء للطبيب و يخلليه (تطك روحه من الوضعية) .. و لا توفر للاثنين مقومات العيش الكريم، اما الحلول للواقع هذا فحتى خيالي الخصب عاجز عن إيجادها

بالعكس استاذي العزيز الكلام ليس تجريح وانما هو تقويم للمهنه الانسانيه وياريت ان نبتعد عن الماديات التي حلت بفناء عراقنا وهي دخيله على سلوكياته وليس وليده من رحمه .اما الحكومه فلا نذب اللوم عليها اللوم علينا نحن من اتينا بها من خلال اصابعنا البنفسجيه.تحياتي اخ سامر

[البحيرة المتلألأة]

السلام عليكم اخواني
وجمعه مباركه انشالله عالكل
اني ممنونه منكم جدا عالمشاركة الحلوة
وصدكوني لو ما الحنية الي موجوده بقلب العراقيين جان محد رد وجاوب عليه وانطه رأية بهالموضوع
ممنونه للكل ومن غير مااذكر اسماء بدون استثناء سواء الي شاهد الموضوع بس او علق عليه
وبالنسبة الج دكتورة فيري
مااتصور واحد من الموجودين الي علقوا عالموضوع اتجاوز منهم بكلمة غير مؤدبة او ؟؟؟؟ مثل ماانتي تصورتيها
وبالنسبة لانتقادي للطبيبة المذكورة اني اعرف بيها وشنو اخلاقها بالمحافظة وشنو تعاملها مع المرضى وهاي مو اول حالة دتموت بين ايديها بس جانت تستغل وضع اهل المريضة وتسكتهم بالفلوس حتى محد يشتكي عليها
ومثل ماكالوا اصابعنا مو سوة ولو خليت قلبت يعني مااكدر اعمم عالكل انو هم ماعدهم اخلاق او يتعاملون مع المرضى بشكل محلو
و اني اعرف اطباء مثلهم ماكو بالتعامل والاخلاق والرقة وطيبة القلب مع المراجع
بس الامر لله اني انتقددت الاضراب الي صار بالمحافظة لان لو جاي مريض حالته خطره بنفس وقت الاضراب يعني يموت احسن مو؟؟؟؟؟؟؟؟؟؟
وتحياتي الج اختي العزيزة وبلا متزعلين مني لان اني هم شايفه اكو مراجعين العياذ بالله من اخلاقهم وهم نرجع نكول مو سوه اصابعنا
اشكركم كولكم اعزائي
وردة مني للكل

[الدمعة الحرة]

هذا الفساد ليش في العراق وحده

والجشع المادي والنكران في كل مكان وبالاخص الدول العربية " والنفطية"

وليس في القطاع الطبي وحده

دكتورة فيري اثيرت وتثار حفيظة الناس بسبب ان الطب هو حياة انسان بين يدي انسان يسمى طبيب درس واخذ شهادة صحيح جل من لا يسهو ولكن.. عليها يتوقف مستقبل انسان واحيانا حياته.. وللاسف عقاب الاطباء الذين يخطئون اقل بكثير من مستوى الجريمة بل احيانا ان كانوا اجانب خاصة عندنا يتم ترحيلهم بكل اسف.. تحولت الطب الى سلعة تجارية في اغلبها ..

احترامي

[fairy touch]

وبالنسبة الج دكتورة فيري
مااتصور واحد من الموجودين الي علقوا عالموضوع اتجاوز منهم بكلمة غير مؤدبة او ؟؟؟؟ مثل ماانتي تصورتيها

عزيزتي البحيرة ....لا تتصورين ممكن ادافع عن شخص اذى شخص او اقف في صفه ...لكن اللي صار انه اكو فعلا كلمات مو مقبولة انكتبت ..وتعدلت من المراقبين وانت ما قريتيها ...
حلو نكون واعين ونشخص الخطأ
لكن مو حلو نتجاوز ...و نحرق الاخضر بسعر اليابس
و اشكرك للتعقيب

[fairy touch]

هذا الفساد ليش في العراق وحده

والجشع المادي والنكران في كل مكان وبالاخص الدول العربية " والنفطية"

وليس في القطاع الطبي وحده

دكتورة فيري اثيرت وتثار حفيظة الناس بسبب ان الطب هو حياة انسان بين يدي انسان يسمى طبيب درس واخذ شهادة صحيح جل من لا يسهو ولكن.. عليها يتوقف مستقبل انسان واحيانا حياته.. وللاسف عقاب الاطباء الذين يخطئون اقل بكثير من مستوى الجريمة بل احيانا ان كانوا اجانب خاصة عندنا يتم ترحيلهم بكل اسف.. تحولت الطب الى سلعة تجارية في اغلبها ..

احترامي

عزيزتي ندى ...الانسان (الطبيب)...لما يلبس الصدرية البيضاء..ما صار ملاك ..واللي يوهم نفسه بهالشي هو يتحمل وزر اوهامه ..هو مجرد بشر لكن عنده علم يؤهله ان يتعامل مع المرض ....
يعني البشر الطبيب مثل البشر الصيدلي و البشر المهندس و البشر الموظف و البشر المعلم ...اذا تريدين تعرفين في مجتمع ما شكَد النسبة الجيدة في قطاع الطب من هالبشر ..قيسي على بقية القطاعات ...المفروض تطلع نفس النتيجة ...لأن النفوس كلها نفس النفوس ...راح زمن ابو قراط وابن سينا و الرازي ...و آني هذا اللي مستغربة منه ...يسكتون عن الكل ..و يتهجمون على هالفئة بس وكأنما افرادها استيراد (يجوز عندكم استيراد احنا كله ولله الحمد محلي هه)...
ارجع واقول كل المهن انسانية ...و بيننا وبين اللي يمتهنوها مخافة الله ...اذا صلح الشخص كأنسان راح يصلح كطبيب ..مثل ما غيره رح يصلح كمهندس او معلم او موظف ينجز امور الناس ..
لا ننظر لفئة ونحاكمها ونسكت عن فئات ننتمي الها ...لما كل واحد يصلح نفسه الكل بالنتيجة رح تتصلح .
وشكرا الج ..واسفة ع الاطالة

[مصطفى احمد]

مع الاسف هنا في بغداد نفس الحاله ألآطباء عدهم تكبر على الناس وتفكيرهم كل مادي مشغولين بين العياده والمستشفيات الاهليه ودواهم بالمستشفيات الحكوميه بين سطر وسطر بس ينسون ان الله هوالشافي