السلام عليكم
اخواني اليوم حبيت انقللكم صورة اني شفتها هاليومين بالمحافظة
اني اسكن بالسماوة بمحافظة المثنى
واشتغل بوزراة الصحة
والبارحة اتفاجأت من سمعت اكو اضراب سوه الاطباء وبعد ميفتحون عياداتهم العصر
والسبب( هنا الكارثة الكبرى )
اكو طبيبة نسائية اسمها ( سين من الناس)
مسويه عملية لوحدة من المرضى وناسية ببطنها قطعة شاش( كوز ) بمصطلح الاطباء واهل الصحة
والبنية ماتت
الضاهر هي متزوجه جانت الله يرحهما وزوج المرحومه متصل بالطبيبة الفلانية وجان تنهال عليه بالغلط والشتايم والسب
واكيد رجال ومرته ميته محروك كلبه
( يكولك فوك ما مرتي راحت مني هاي تغلط عليه)
الزوج قدم شكوى للمحكمه وانحكمت الطبيبة بسنة ونص والاضرب من هذا كوله انو جانت وياها ممرضه الممرضه انحكمت ستة اشهر وانحبست ( بالخناق) هذا السجن الي موجود بالسماوة
والطبيبة عيني يخافون ع مشاعرها حبسوها بالمستشفى ( فد مكان اسمه العزل يخلون بيه المرضى الي عدهم امراض خطيره) بس شنو اكل توب ونومة مريحه
وتبريد وكت الحر وتدفئة وكت البرد
وفوك كل هذا الاطباء كولها العصر متفتح عياداتها والله شنو عدهم اضراب علمود الطبيبة الي ماتت جوى ايدها شابه بعمر الورد بسبب الاهمال ( بسبب امر من نقيب الاطباء )
(وخلي الناس يطبها طوب يعني هذا الي عنده مريض وحالته مستعصية يموت احسن منا لحد مينتهي الاضراب لو الخميس لو الجمعة)
وخلي الناس تموت عادي لان عراقيين محد يحسبلنا حساب
بس الله موجود وفوق الكل وين ضمير الاطباء وين الرحمة الي بكلوبهم
اللهي رحمتك
اسفه طولت عليكم
بس اتمنى تشاركوني هالمشكله ولو برأي زغير
وين يريد يوصل العراق بعد؟؟؟؟؟؟؟؟؟
رد مع اقتباس
