السلام عليكم...
حبيت احجيلكم شغلة صارت وياي قبل كم يوم مدري ابجي مدري اضحك عليها..
احم احم..
فد يوم كنا بالمدرسة..كاعدين جان نسمع بالمدرسين مخبوصين بسالفة الامتحانات وناس تكول نقدمها وناس تكول انأجلها اسبوع..طبعا احنا البنات منريد نمتحن لان كنا حيل تعبانين من امتحانات النصف الاول وهذولة البطرانين يريدون يسوون بعد امتحانات..
ع العموم جان رفضنا للامتحانات رفض قاطع...( يعني مستعدين نتعارك حتة مانمتحن)
وطبعا آني البطلة اكللهم بنات مالكم علاقة خلو الشغلة يمي آني مراقبة الشعبة واكلهم ميمتحنونا وحجايتي تمشي..( هيج من هذا النفخ)
المهم جان يدخل ابو الكيمياء وكتلة استاذ منريد نمتحن...كلي لا ميصير تمتحنن غصبن عليجن
لمن طلع سويت انتفاضة وخذت وحدة من صديقاتي وكلتلهن اني نازلة للادارة وماارجع الة بتأجيل الامتحان
المهم كولو نزلنا اني وياها...طبعا مدخلنا الادارة بس سمعنا ابو الكيمياء يكللهم امتحنوهن هذا الاسبوع( شكد سئيل)
وجان اصعد للشعبة واكل لصديقاتي بعلو صوتي ( هاذا ابو الكيميا شكد متسلط)
وجان التفت....وياريتني مالتفتت هع
الكي ابو الكيميا بضهري ....وكلي اني ليش متسلط؟
بوكتها لو مغمى علية احسن..تع
جان اكلة اي استاذ انتة متسلط تروح تكل للاساتذة امتحنوهن ولخاطرنا تسلطت عليهم وتريد تمتحنا لمصلحتنا لان الامتحانات تقوي الطالب
وجان يكلي عفية بنيتي ...شوفوها بنات شلون فكرت عدل لخاطر هذة التفكير السليم الج 5 درجات ع الامتحان( حسيت بوكتها مثل الماعندة رصيد وتجي هيج فد هدية من الشركة 5 دولارات)
طبعا لفيت ودرت الشغلة 180 درجة..هع
شفتو شجاعتي...ههههه
رد مع اقتباس
المشاركة الأصلية كتبت بواسطة ابوحسن الاسدي
