شكرا لكلماتكم الجميلة و دعواتكم الللطيفة .. بوجودكم درر العراق وكل ما يتعلق بيه يكون افضل و افضل . و بدونكم يكون مجرد صحراء ما بيها حياة
بس للي عدهم التباس بين فكرة (الصفحة) و فكرة (المجموعة أو الكروب)
المواقع و الشركات ما تسوي كروبات . لسبب بسيط أنه الكروب ما تكون ملك لاحد معين على عكس الصفحة اللي تكون ملك الشركة أو الموقع او تابعة إله بكل معنى الكلمة ..كذلك الصفحات مو وسيلة للتواصل بين (المعجبين بالصفحة ببعضهم) لا .. الصفحات هي وسيلة تواصل المؤسسة مالكة الصفحة وية المعجبين (ألـ fans)
ممكن الصفحة تكون بيها بعض التطبيقات .. ممكن تكون بيها دردشة .. بس هي وظيفتها الاساسية هي نقل اخبار المؤسسة او الموقع الاصلي لرواد الفيس بوك .. يعني الفكرة تبدو مو كلش (مثيرة) ... بس هي مهمة و تعتبر حاليا من المكملات المهمة اي موقع أو شركة او صاحب عمل باي مجال .. لسبب بسيط .. هو موقع رواده عشرات الملايين يوميا .. ممكن يكون سبب مهم لزيادة شعبية موقعك أو زيادة ارباح مؤسستك
تحياتي
