هنا

[فقار الكرخي]

هذا اكفاك ؟ وجهك ؟ بالله هيج اندار
اشو ماكو فرق ! شني عيني حلمانات..
شرعك ليل هذا ؟ العفوا شعرك ليل
اعذرني كمت ماجمع الكلمات ..
النمل لو شاف خدك يطلع استعراض
ومو كلش بعيدة ايطلك النمﻻت ..
مشيتك جيش هتلر جنه من اتفوت
لذلك من تمر تكعدلك اﻻموات ..
(الماحبك) بصوتك تسوى ميت (اهواك)
واحس (رب الوفه ) امن اتكلي(يابذات)
شفتك جنهه شفتك شرد اكلك غير!
امن اﻻخرس لون باسك تطلع احجايات ..
الحواجب مالتك الهﻻل يمهه ايضيع
بحيث امن اطلعت صجمنك النجمات ..
عينك من تغمض (هلكبرهه) اتصير
جا شتصير( هيج )وهنه مفتوحات
سلبيتك اتخبل عكس كل الناس
ماشايف بشر سلبيتة ايجابيات..
مو بس بالشعر يراد ذواقين
النضرة الوحدة منك تسوى هيج ابيات ..
امن احضنك نار احس موجوده بس بآب
لذلك هسه نص هدومي محتركات ..
كلبك كلش ابيض جنه نيتي وياك
امن ارسمة من البياض اتصفك الشيبات.
الياخذ بوسة منك باﻻخص منااااه
فليدخل الجنة اذنوبة مغفورات ..
تعال اتنفسك هوى الله يمك راح
شغلة جم نفس عود احسب الشهكات ..
خصرك( هيجي )جنه( هيجي )يمكن (هيج)
جوز اصغر وكتهه عيوني ممركزات ..
شمعنى الساعة يمك جنهه رمشة عين
ويم غيرك سحل اسحل بالمياﻻت..
وردة انت؟ بشر ؟ شو دوختني وياك
ماشايف بشر يمشي ويه فراشات ..
ترفع حاجبك اوكع بعد ماكوم
تعض بشفتك انتهي امن الحسرات ..
تغمز.. روحي تصعد.. بس ترد اتطيح
وحرت عيون شايل؟ مدري مرجوحات؟..
حتى اتشوفني واسم الله اليه اتكول
احس خلصن رجلي بشغلة العثرات ..
وصلت المستوى كد ما احبك حيل
امن المسلم علية كمت آخذ امرادات ..
آخ أمنيتي اشوفن امك بفد يوم
اريد اسألهه عنك على شكد شغﻻت
اكلهه بداعت امج عندي استفسار
بي وكت الحمل متنسية جكليتات ؟؟..
عينك لونهه اسود جنهه امس بالليل
الكمر عاف السمه برمشك تغطة وبات..
اصفك من تمر بس تدري اصفك ليش
ماشايف قصيدة وعدهه رجلينات ..
عود انتة حلو ؟ ﻻ هذا ياهو الكال؟
الحلو يحطونة يمك يشبع اصفارات ..
دخيلك ﻻتجي ولو من تجي يشوفوك
جا غمزوا إلك حتى البلكماطات .

[سمراء من قوم عيسى]

روووووعه

[علي الشمري]

[فتوشةة]

والله لو شو ما اكول ما اكدر اعبر عن هالكلام الحلو....
كلام راااااااااااااااااااااااا اااااقي

[فقار الكرخي]

نورتو الموضوع

[ازدهار]

حلووو
تسلم ايدك
ودي
.
.

[فقار الكرخي]

نورتي الكون