هـــا يوكتي الما تصح سويتهه...
هـــا يوكتي الما تصح سويتهه...
الفركه بخدودي دمــع شديتهه
بسجة اموادعكم مضيعلي عين..
.وعود بس لـــــشوفكم ربيتهه
شتلت بروحي ملامحكم تعال...
وصوره بيهه وجوهكم شميتهه
اه يميل وداعكم دكاته مــوت...
هيج عشته بونتي الـــــــونيتهه
شنسه والبومي يسولف مشتهاي..
لكل هذيج دروبنه الماشيتهه
ابالي منكم شهكة امـــوادع يتيم..
.لمه لانشالت نعش من بيتهه
مـــن عفتكم عثرت عيون بكفاي...
تكوم وطيح وجذب تجيتهه
اتسير بخلكي سوالفكم ونين...
وصوت يخنك ضحكتي اللميتهه
عاتبت جفي ولك ترخه شبلاك..
شصارلك وجفوفهم هـــديتهه
فشلتني الله يفشل كلشي بيك..
ربي تاخذ حــــوبتي الحسيتهه
ولك حتى الليل يوفي ويالينوح..
يطول وانت وياي ماراعيتهه
اّيجفي شكد صلف من وادعوك..
جفوف توميلك ومـا رديتهه
مالي لذة ابضلتك ذنبك جبير...
الله لا هناك روحي اطــيتهـه
والله لو ادري نهايتنه الوداع...
لا حرام من البدايه انهــيتهـه
انكل بجدمي مثل نكلة كفيف...
اعثر وحتى السجج بجيتـهـه
يوكف ابالي وعد كلناه زمان..
مانعوف وعفنه واني ابديتهه
اختنك لوجاهل يكول صطفاف.
واشهك شلون التلوث صيتهه
ابالي يوم وداعكم ماعده بيت...
كون ابراسي لو حطـــــيتهه
رد مع اقتباس
