هنا

[فقار الكرخي]

مو كل ملكه ملكه النعش ملكه وداع
منحرورت هله تعرف الميت شاب
الدمع يندل مجانه عليمن منيطيح
انته اول كمر ينشاف لمن غاب
مانستاهلك مامتنه من جابوك
الواحد منفرد مو مال جف وحساب
ودعتك صدك موحلم وكعد بيك
مايفهم حجينه الكبر سمعه تراب
رثيتك بس جذب مو مستواك ارثيك
اليكتبلك رثاء بمستوى السياب
يواهس ضحكت الصحبان ليش تروح
وتخلي بوجه ضحك الربع عطاب
منجهبك كون تفتح حضنك منبعيد
الفطن يعرف عزيزه كبل دكت الباب
مو مالت اجيلك للمسامر كيف
ليل المكبره مو ليل مال احباب
تعال بضحكتك وكشخ بطولك ذاك
النجم لوما سواد اليل ماينهاب
يعايف جم حديثه تحبك وتهواك
الحلم تاليته ضحكه شجابه للعطاب
ولو طبع الغصن تهوا النار زغير
وموكل خشبه تصلح فاس للحطاب
روح مودع الله الكاع حر تريد
اليطيه ركبته موش هاج اركاب



م

[أشجان الروح]

رووووعه كلمات مؤثرة فعلا احسنت يامتالق الحرف

[النقيب]

كلمات اكثر من رائعه
شكرااااااااااا لك

[ايام الفراق]

كلمات رائعه سلمت الانامل

[رسـيل_^]

رؤؤؤؤؤؤؤؤعه رؤؤؤؤؤؤؤؤؤؤؤؤؤعه سلمت الانامل يامبدع

[علي الشمري]

حلو عاشت الايادي
ذوق رائع

[فقار الكرخي]

منورين