هنا

[فقار الكرخي]

هي حلوة
بكثر ما عد الله ‏حلاه
حيل احبهة
جني مومن وصارت بعيني صلاه
بلا نفسهة
ما تمر بناظري حتة الحياه
بيهة خاطر
ينكط اكصوص الزلم بس مستحاه
ويا حجيهة
اليمشي وي دمي حمار
وياكل بريتي هوة
ويا عشكهة
العايش ابنص كلبي صورة
للنهر وية الهوة
الليل شمعة
الليل لحضة
لو حجينة احنه سوة
لو شبكني
يشوف ذريتة وجهالة العايشة بضهري حلم
عفية ردلي
مو خلص كل شعري وانكسر حته القلم
حيل تسعر
نار المفارك ولف
اتخلي حيرة
بجندي لمكابل ألف
ارد اشوفك
مو دروا كل السلف
من غيابك بية خنكة
جنهة حسرة
استوهة مذبوبة بعرس
جنهة جادر
انصب اول أمس
من اشوفك
اترس لحلكي حجي
بس تعال
عيوني ماتت
عيوني ذبلت
عيوني ما تعرف نهار
والله لو تنوي تجيني
اهجر شوية البجي.!

[النقيب]

كلمات جميله تسلم اخي

[سمراء من قوم عيسى]

الله الله
عاشت الايادي

[فقار الكرخي]

نورتو الكون