زمن خله العراق يلوحه هذا وذاك
كبل بس الله جان اليكدر يلوحه
طبعا ما يهمكم مو وطنكم هذ
ياولد الفنادق زادت اجروحه
أباوع علحدود أم قصر معرف وين
الوطن موجود بس خارطته ممسوحه
بالدول ثورات قامت عالطغات
والنتايج أجت مو سهله أبتعب
وأحنه عدنه العكس صاير بالعراق
الحكومة تريد إسقاط الشعب!
أحلم أكعد من صبح الله
ومن فيروز أسمعلي أغنية
وأتريك ماعون أحلامي
أحلامي الجدا وردية
وأطلع كون لراس الشارع
ما ألكه القوة الأمنية
وأحلم بيدي أغتال الجوزة
تفصل عندي كل شوية
صار سنين أنتظر الوطني
وغير الخاين ما مر بية
وأحلم شعبي ميظل شعبي
يتطور أحلى من الفصحى
والحارس في بلدي اتمنى
يتونس من شخص ينصحى
نام بكيفك وقت الواجب
بس خليلي ضميرك يصحى
وأحلم مو دخان أبلدي
و ميخالف أقبل دخان
والبشر أبلدي ما أريده
رايد بس يبقى الأنسان
يدري الله بجيراني شسووا
ليش أموصي أعلى الجيران !!
رد مع اقتباس
المشاركة الأصلية كتبت بواسطة صمت عاشق
