مساء الخير يا أعضاء درر العراق الراقين :
خلي نتخيل الدنيا وردية وكل شي يمشي مثل ما احنة نحب ونتمنى (مو مثل هسة ظلمة وكل شي ماشي عكس ما نريد) ، المهم نرجع لموضوعنا ، لو الأمور عدلة والوضع الاقتصادي العراقي بخير (مو مثل هسة نايم ومتغطي ب10 بطانيات ههههه) هم نرجع لموضوعنا ، بحيث أي مهنة تختارها سواءاً أكانت وظيفة حكومية أو عمل في القطاع الخاص ممكن تحصل منها رزق يكفيك لحياة لا بأس بها أن لم تكن حياة مرفهة ، يعني بالعراقي تعيشك عيشة زينة ، لو كل شي كان زين ومتروك لكم اختيار المهنة التي تحبونها لتعملو بها فماذا ستحبون أن تعملو ؟ ما هي المهنة المفضلة لدى كل عضو ؟
طبعاً اسمحو لي أبدأ بنفسي ، مادام الدنيا وردية والاختيار متروك الية أختار المهنة اللي تعجبني (الله يستر رح يتفلش المنتدى من هالجذب اللي جذبته في بداية الموضوع ههههههه) المهم ، رح أختار أصير صيدلي لأن أحب مهنة الصيدلة وحتى دراسة العلوم القريبة منها مثل الكيمياء والأحياء .
وهسة منتظركم تتفضلون وتنوروني بردودكم الرائعة وكلماتكم الراقية اللي يتعطر بيهن الموضوع ، ورجاءاً فد كم تقييم لأن تعبت على ما سويت الموضوع ههههههه .
رد مع اقتباس
المشاركة الأصلية كتبت بواسطة الشاعر سجاد باقر
