كان ياماكان في قديم الزمان في سالف العصر والاوان !!! شنو هاي اللغوة ابدي بالقصة
يحكى ان تاجرا صغيرا اسمه سندباد يعيش في بغداد وكان ذلك الشاب ذكيا جدا وناجحا في التجارة ((الله موفقة )) ولديه الكثير من الاموال (طاك طكة اخت الجذب)) الله يرزقة ومع ذلك فانه كان متواضعا ويحب اهل مدينته ولا يبخل على احد بشيئ وكانت عندة مولدة 200 كي في مشغلها ببلاش للمنطقة وحتى فلوس الكاز ميخاذها وفي وقت الازمات يوزع بانزين من البازين خانه مالته عل اهل التكسيات السايبة والسمند ((يعني سيارات الكفيل )) حتى يسددون اقصادهم وكانو عايشين بسعادة الى ان اجه الاحتلال الامريكي بيومها جان سندباد وعلي بابا كاعدين يشربون بلنكو وعن الحلال والحرام علاء الدين مو وياهم لان هو ميشرب يستحرم .. المهم الجماعة منطلقين ويعننون (( غفة رسمك بعنيني من الصبة لليوم ... - خالة شكو شنهو الخبر دحجيلي اوي اوي بهاي الاثناء دخلت ياسمينه العصفورة مال سندباد تعيط سندباااااااااااااد سندباااااااااااد باوع سندباد بتك عليها هاااا شكو خبصتينا وجه البومة !! كالتلة دكوم شوف عزة العزاك كاعد تشرب انت وهذا الحرامي والدنيا محتركة برة .. ضاج علي بابا من حجايتها وكال سندباد تقبل بهذا الحجي يعني اني حرامي؟؟؟؟ كام سندباد وخنك ياسمينه كلها شوفي ولج فوزية (( ناسي اسمها هلكد ما سكران )) هذا خطاري وعلى هاي الطلعة راح اسويج تشريب واخلية يتعشة بيج .. كالته اني ياسمينه مو فوزية !! كالها عادي الاسماء متفرق اذا صرتي تشريب ها ها ها !! وطارت من ايدة .. وكالت الجو محترك برة .. كالها والله خبصتينا منو احترك ابوج ؟؟؟ كالت ولك الامريكان دخلو بغداد !!!!! ظرب على كصته بقوة .. شنو الافغان شعدهم هنا ؟؟؟ كالت ولك والامريكااااااااااااااااا ن .. كالها شلون ولج صدك ؟؟ وسمعت صوت القصف ؟؟ علي بابا استغل الفرصة وكبل عالبنك المركزي ((حرامي قديم)) وحوسمة كله .. وعلاء الدين كتلوه الامريكان عبالهم ابن لادن وبقة سندباد الى ان صارت الطائفية ودخلو عليه المسلحين على شغلة التهجير وساألوة انت شيعي لو سني ؟؟؟ ظل صافن خطية ميعرف شنو الموضوع ((لان بوقتهم ماهو شيعة وسنه)) اجه واحد ابن حلال وخصلة من ايدهم وقرر سندباد يترك بغداد ويطلع لسوريا وقدم لجوء ال يو ان
رد مع اقتباس
المشاركة الأصلية كتبت بواسطة ياسين الحسيني
