درر العراق

الملاذ الاخير · 9/March/2015

الوطن يخاطب الدهر :ــــــــــ

شمالك يادهر تمطر علينة هموم .....
ومايوم الفرح عتب وصل بابي
من يوم انولدت ولحد هذا اليوم ......
هاجرني الفرح وية الحزن رابي
اخرج من مصيبة اوكع بالاف .....
ما ادري الدهر فرحاتة بمصابي
" " " " " " " " " " " " " " "
الدهر يخاطب الوطن :ـــــــ

شمالك ياوطن بس تشكي من الاه
وتذب الصوج بية وتهوة بعتابي .....
مو اني الاجيب مصابك اي والله
جيران الغدر وتصيح أحبابي .......
لان شافوك طيب طبعك يخليك
صارولك حزام يفجرة أرهابي ......
" " " " " " " " " " " " " " "
وهنا خرج المواطن العراقي بصرخاته المدوية قائلاً :ـ

شيل راسك وارفعة بعلوا النجوم ....
ياوطن ولدك نصيرلك فدة
لاتخاف ولسة نشتم الهواء .........
نصير هاون ننفجر وسط العدة
أحنة تراباك يبو الشيمة الاصيل ........
كاصدين الموت منهاب الردة
نسمع بأخبار تنقلها القناة .........
وعالاساس هنانة عدنة القاعدة
ويمنة تنظيم الزبايل والخراب ........
داعش اليتسمى ولينة عتدى
وبعض دول المنطقة واهل الجوار ......
تكول ندخل للعراق نشيدة
ندخل بدرع الجزيرة والشباب ......
وحنة وية الجيش كلنة انساندة
الف شكراً سعيكم كان مشكور ........
روحوا لو انتم زلم متعاهدة
وكصدوا لخوانة بقدس الفداء ...
واجهوا هناك اليهود وشر عدة
وأحفظو ماء وجوهكم بين الرجاس ....
وبين ولد الاحتلال الفاسدة
أحنة مانحتاج ناصر لامعين ...
أحنة متربين بقدس مكصدة
نوصل لداعش ونكسرلة الذراع ... ..
وية كل ارهابي مجرم نعكدة
ونفتح احنة بوجهة انواع العذاب ... ..
خاف ماتعرفنة ؟أساللي حدة
زلم وكت المعركة نشد النطاق .....
وكبل عالموت كلهة معاندة
منين تشرد منة واحنة محاصريك ....
هنا سرايا هنا عصائب ولك شنهو المعضلة
وهذا منانة الكتائب واللواء .....
وية هادي العامري اصبح ساعدة
احنة صح هواي بينة التسميات .......
بس دشوف شلون كلهة موحدة
بوجه كل ارهابي وخاين عميل .........
وبوجه كلمن ضميرة قائدة
خلي اكللك مصير اللي يثور .........
ويوكف اكبالي ويكول القاعدة
أسلك اهلة وكل اصل منة كصد .....
وانتف انة نسلة ونعل والدة
وانتف انة نسلة وانعل والدة
بقلمي
أحمد الكرعاوي
10:30
2015/3/9