هنا

[mazinalhoseny]

جنت تدفر باب بالي بلايه خــوف
لان تدري ابالي ماتكــــــعد غـرب
واني اجي ابالك واكلك هـا افـوت؟
تكلي اوكف خلي اســــويلك درب

رائع فوق الرائع .. بس هذا شكد نذل؟؟
بالك لاتظن بطباعي مثل الغير ... انا بطبعي نهر يسكي البساتين
اذا كتلك احبك يعني للموت موحب هلوكت يبقالة يومين

[mazinalhoseny]

اشتريت عيون جدد هسة بالكنتور .. رايد من اشوفك خاطر البسهن

[سجايا]

البشر ماينحزر لو عنده طبعين
طبع منهن حلو و واحد يضوجك
وانه وياك صاير اربع اطباع
شما تگلب طبع تلگاه يحبك

[mazinalhoseny]

مو هينه اليحبك بالعجل ينساك ..لا هينه التحبة تريدة يترجاك
تظل انت ورد غصبا على الجافاك.. وتظل انته العزيز وابد ما انساك

[بهلول الرشيد]

يا چـلمة احبك عاشت من سنين
ما تقبل حبيبي لغيرك أحـچيها

يا نسمة خواطر خالطت للروح
يا سلطان عرشك بس سكن بيها

راح انزل و ابيع وكلشئ لا ما ريد
بس الروح تبقى وانت شاريها

[بهلول الرشيد]

ترى أنته العايفه ماحصل أمواسا
كبل متعوفه خايب عافته أصحابه
وكام الباب من يندك يحظر فلوس
لان بس المجدي يوصل البابه
وحده وذكرياتك ماتعبره الليل
شتسوي الصور للفارك أحبابه
طفل جاع أعله صدر أمه أشتذبله العاب
هو الماتت أمه أتسكته لعابه

[mazinalhoseny]

مانكدر نوصفك حتى بالاشعار .. جبل من نوصفك مانكدر نلوحك
لذلك جبنه ورقة وقلم وانطيناك .. وانت براحتك ضل اوصف بروحك

[بهلول الرشيد]

رد احضنك من صدك مو بالخيال
وارد اشمــــــــك حيل يامحبوبي

وارد اطبعك صوره باكواب الشراب
حتى اغار عليــــــك من مشروبي

وارد اشيلك شمعه بعيون الظلام
وتبقى نور تضوي كــــــل ادروبي

[بهلول الرشيد]

بطلت العشكَ ونسيت الأشعار
وطلكَت الشعر من غير رجعة
شعندي وية الشعر من بعد الأحباب
والمن القي شعري ومن يسمعه
اريد انهي البديته اليوم وارتاح
واريد بهالقصيدة اليوم اودعه

[سجايا]

شحجيلك بعد ما ظل حجي الينكَال
اظن خير الكلام وياك مــا قــــله
لان اشما اسولف انته بيه تلوم
وعلى ابسط احجاية أدور الزلــة
مو هيج العشكَ احسبها مرة وشوف
... وخل كَلبــــــــــك يدلك انته لـــدله
راح تشوف زين وتعرف الموضوع
اليعشكَ صدكَ مـــــــــــا يجرح بخله
ممنــــــــون على جرحك هذا حظي وياك
وشكرا عل حزن و الاه والعله