يا تفاح كلبي ويا عنب دنياي
يا تين وعثك موز وكيوية
يا توت وكرز يا كاكي يا رمان
يا كلشي وكلاشي حتة ركية
يا تفاح كلبي ويا عنب دنياي
يا تين وعثك موز وكيوية
يا توت وكرز يا كاكي يا رمان
يا كلشي وكلاشي حتة ركية
اذا كلك ورد محتار ابوسك وين
خايف من ابوسك اكسر اغصانك
واذا انته العطر يشتم عبيره اورود
يعني الورد ذايب هوا بحضانك
بجمالك عيني ما شافت مثيل
وصورتك محد يوصفها بصور
الكمر منك اخذ هذا الجمال
يعني خلي نكولها انت الكمر
انه من ازعل ركض اركض عليك
ولا تهدني وخلي نغرك بالعشك
انت من تخزرني اذوب بين اديك
يعني من تبوسني راح احترك
انته ويه الشمس متطابق الاوصاف
بس شنهو الفرق ما بينها وبينك
الشمس وكت الغروب يروح منها النور
وانته بليل هندس تضوي خدينك
ويگولون النهار ،، صاير طويـ.ـل. . .
شو ويـّاك . . چنـّه ربع سآآعه.
شنهو اليسوه حتى يكتلك التفكير ؟
تعال بحضني نام وسولف اهمومك
اسوي الدنيه سكته وحتى انته اتنام
اسكت كلبي خاف يقلقك بنومك
من دون البشر تمشي ابخياالين ..
خياالك واحد او شعرك الثاني ..
او تبلع ريجهه لو حااجتك ناس
بس آني ارتبك وبلع لسااني ....
صعبـة امنيتي ما تتحقق وياك ..
هـلهولة فرح بحلوگ خرسان ..
ماريدك تـجيني تگلي مشتاگ ..
ماطيقك تره بهمـومي غرگان ..
...
قصيدة اتبلّلت بدموع فرحانين ..
ماشربت بقت عطـشانة أحزان ..
أشتترجة امن الاعمه يگلك ااااالله ..؟
لـو راويته لوحة أمتعبه الفنان ..
ما أشرب وصالك لو تگلي اتموت ..
مثل حـسين أموت وأبقه عطشان ..
ولتراودني حته لحبك اشتــاگ ..
أشيلن گلب يوسف وألعن الشيطان ..
ولك راح اختصرها وكافي دوخة راس ..
اني من گتلك أحبك چـنت سكران
.
موجديده اعليك لوسكته مشيت
ولاجديـــــــــــــــده اعليك من تنساني
تاني كتلي ..وعالدرب ياما تنيت
ومــــــــــــن كثر ماتاني صرت متاني
انت كل ساعه تجي وبيدك جديد
ولونشدتك كتلي مـــــــــــن صحباني
انت ماعندك كلب عندك قطار
وادري بس انزل تصعــــــــــــد ثاني
